Haur hezkuntza

1. TALDEA

A ereduan euskara ikasgaia lantzeko materiala beharrezkoa denez, 07-08 ikasturtean A ereduko irakasle batzuk Haur Hezkuntzako material osagarria antolatzeko eta sailkatzeko bildu ginen.

Lan talde honetan parte hartu dutenak honako hauek izan dira: Aitziber Iraioz Remiro eta Esther Olite Munarriz Iruñeako “San Jorge I” eskolakoak eta Gemma Larrañaga Artaxoako “Azpiroz Urraca Erregina” eskolakoa.

Zer antolatu eta sailkatu dugu?

• Olerkiak: HHn gehien lantzen diren gaien inguruko sailkapena, olerkiak lantzeko ideiak eta beste gaiekin duten lotura. Testua laguntzeko irudiak.
• Asmakizunak: Testua laguntzeko irudiak
• Aho korapilo eta zotz egiteko formulak
• Joku eta Haur kantuen bibliografia

Zertarako?

• Haur Hezkuntzako haurrekin ahozkotasuna sustatzeko.
• Euskal Literaturaren hastapenarekin hasteko.
• Irakasleek eskuragarri izateko.

2. TALDEA

2007-2008 ikasturtean Lizarran A ereduko zenbait irakaslek sortutako materiala duzue honako hau. Lan talde honetako parte hartzaileak hurrengo hauek izan ziren: Arrate Irazola Lasuen, Edurne Garzaron Lizaso, Olatz Agirre Sorozabal, Garbiñe Makazaga Ochandorena eta Juan Manuel Perez Lanz.

Sortutako materiala:

• Kanten bidez euskara ikasten: Haur Hezkuntzako zenbait kantu eta jolas inguruan egin ahal diren jardueren proposamena.
• Jolas tailerrak: HHko jolas ezberdinak gaika sailkatuta.

Zertarako?

• A ereduko Haur Hezkuntzako haurren ahozkotasuna sustatzeko.
• Euskaraz jolasteko eta ongi pasatzeko.
• HHn lantzen diren gaiekin lotzeko.
• Irakasleek eskuragarri izateko.