ARTISTAK GARA

ZER EGIN DUGU? Sukilbide margolariaren koadro bat.

1. Interesgunea

Ikasle baten edo batzuen interesagatik sortutako gaia da. Picasso margolariaren obra landu dute tutorearekin eta motibatuta daude.

 

2. Motibazioa (talde handian, korroan)

Sukilbide margolari nafarraren zenbait koadro kanoiaren bidez proiektatuta ikusi ditugu. Koadro guztien artetik 4 aukeratu behar genituen, denon artean.

Hurrengo egunean, hautatutako Sukilbideren koadroak (koloretako fotokopietan) gelara eraman ditugu, eta paretan zintzilikatu ditugu.

• Koadro bakoitzaren azpian koadroaren izena jarri dugu, euskaratua eta maiuskulaz.
• Koadroaren dimentsioa adierazten duten zenbakiak jarri ditugu.

 

3. Aurrezagutzak aktibatzeko

3.1. Gaiaren inguruan (talde handian, korroan)

“Zer dira hauek?”, “Zer jartzen du hor?”, “Irakurriko dugu?”, “Norbaitek irakurri nahi du?”

Tituluak irakurtzean:

• Oilarra: “Oilarra ikusten duzue?”, “Non dago?”...
• Gizona eta txakurra: “Ikusten dituzue?”, “Non daude?”...
• Sagar frutaontzia: “Frutak ikusten dituzue?”, “Non daude?”, “Zer fruta dira?”...

“Zein koadro gustatzen zaizue gehien?”, “Zein gutxien?”, “Zein kolore ikusten duzue?”, “Nola uste duzue margotu dituela?”, “Tenpera erabili du, margoak erabili ditu?”, “Gustatuko litzaizueke horrelako koadro bat egitea?”...

Zein koadro falta da?

Biografiaren inguruan dituzten aurrezagutzak

“Nork egin ote du?”
“Neska batek edo mutil batek?”
“Haur batek edo irakaslea bezalako batek?”
“Non bizi ote da?”
“Zenbat urte ote ditu?”

 

Elkarrizketaren inguruan dituzten aurrezagutzak

“Nor zara zu?”
“Non bizi zara zu?”
“Zenbat urte dituzu?”
“Zer zara zu?”

3.2. Zer egin erabaki (talde txikietan, eta ondoren, talde handian)

“Nori gustatzen zaio ... koadroa? Niri gustatzen zait / Ez zait gustatzen”. Koadro bera aukeratu dutenek talde bat osatu dute. Talde bakoitza bere koadroa zergatik gustatzen zaion defendatzen saiatu da. Talde txikietan defentsa gaztelaniaz egin dute, baina talde handian egitean euskaraz defendatzen saiatu dira, irakaslearen laguntzarekin.

Defentsa gidatua: arbelean idatzitako zenbait aukeraren artean, taldeak esaldi bat edo bi aukeratu ditu, taldeari gustatzen zaion koadroaren defentsa egiteko. Aukerak hurrengo hauek izan dira:

- KOLORE ASKO DITUELAKO.
- FORMA POLITAK DITUELAKO.
- OSO ORIGINALA DELAKO.
- ANIMALIA DUELAKO.

“Ea, lehenengo taldea, zergatik egin behar dugu Pertsona eta txakurra koadroa?” Talde bakoitzak aurreko baieztapenetatik bana edo bina aukeratu ditu.

Defentsa egin ondoren, bozketa egin dugu: “Nortzuek egin nahi duzue Frutaontzia koadroa? Nortzuek...?” Honekin guztiarekin, bide batez, zenbakiak ere birpasatu ditugu.

Bozketaren ondorioz, Laukizuzenak etzanda eta zutik koadroa egitea erabaki dugu.

4. Zertarako egin erabaki (talde handian, korroan)

“Zer egingo dugu koadro honekin?”, “Non jarriko dugu?”, “Eta jendeak ikus dezan pasabidean jarriko bagenu?”, “Eta koadroaren argazki bat aterako bagenu, eta Sukilbideri karta batekin bidaliko bagenio?”

Nola egin erabaki: (talde handian, korroan)

Bozketaren ondoren aukeratutako koadroa, Laukizuzenak zutik eta etzanda, behatu dugu. Aurrezagutzak ere aktibatu dira hemen.

“Triangeluak ikusten dituzue?”, “Eta zirkuluak?”, “Zenbat zirkulu ikusten dituzue?”, “Zenbat laukizuzen daude?”, “Zenbatuko ditugu?”, “Asko daude”, “Nola margotu ote du, margoekin, tenperekin...?”, “Nola egin du?”, “Zein kolore ikusten duzue?”, “Zer forma ikusten duzue?”, “Laukizuzen handiak, txikiak, zirkuluak, bertikalak edo zutik, horizontalak edo etzanda, barruan, kanpoan...?”, “Nolakoa ote da koadroa, handia edo txikia?”, “Nola jakin dezakegu?”

Koadroaren zenbakiak aztertu ditugu, eta, paper zuria eta erregela bat erabiliz, koadroaren neurria irudikatu dugu.

 

Hartutako erabaki eta ekarpenak beste kolore batez jaso ditugu gure horma-irudian.

5. Informazioa (talde txikietan)

Gelan Sukilbideren argazkia aurkeztu dugu eta galderak egin dizkiegu margolariaren inguruan. Aurrezagutzak aktibatzeko ere baliagarria izan zaigu.

“Nor ote da?”, “Zenbat urte ditu?”, “Non bizi da?”, “Zer da?”...

Galdera horiei talde handian erantzuteko behar den informazioa Sukilbidek eskolara bidalitako gutunetik jaso dugu.

 

Lortu ditugun datuak talde handian eztabaidatu ditugu, eta galderei dagozkien datuak Sukilbideren argazkiaren ondoan idatzi ditugu: izena, urteak…

 

6. Edukiak garatzeko

6.1. Kazetariak (binaka edo hirunaka)

Hasieran, irakaslea Sukilbide izan da, eta beste haur bat edo bi, kazetariak. Kazetariek aurretik landu ditugun galderak egin dizkiote margolariari:

• Nor zara zu?
• Ni Sukilbide naiz.
• Zenbat urte dituzu?...

Ondoren, ikasle batek Sukilbideren rola hartu du, eta beste bi haurrek galderak egin dizkiote.

Elkarrizketa hau errutina bezala erabili dugu.

6.2 Galdetegia (banaka)

Haur bakoitzak gelako 4 kide aukeratu ditu, eta galderen bidez galdetegi bat bete du. Galdetegia gelako lagunen informazioa lortzeko erabili dugu. Ondoren, lortutako datuak ongi dauden egiaztatzeko, taula orokor batean jaso ditugu.

 

Taula:

Oharra. Zenbait ikaslek galdetegiaren datuak idatziz jasotzeko arazoak izan ditu, horregatik, erantzuna biribiltzeko aukera eman diegu.

 

6.3. Gelako ekoizpena egiteko jarraibideak (talde handian, korroa)

Sukilbideren Laukizuzenak zutik eta etzanda koadroa egitea erabaki dugunez, haurrek koadroa nola egin jakiteko argibideak eman dizkiegu:

• LEHENENGO, MOZTU TIRAK
• BIGARRENIK, SAILKATU TIRAK
• HIRUGARRENIK, EMAN LEKEDA
• LAUGARRENIK, ITSATSI TIRAK
• BUKATZEKO, ATERA ARGAZKIA

6.4. Txokoak

Txoko lasaiak: irakaslearen laguntza zuzena ez dutenak behar izan.

Liburutegia
Plastika

 

AZALPENA

1. TALDEA: Frutaontzia; frutak.
2. TALDEA: Loreontzia; loreontzia eta arrainak.
3. TALDEA: Oilarra; formak eta koloreak
4. TALDEA: Laukitxoak; Sukilbideren elementuak, formak eta koloreak.

 

1. Behaketa
2. Erabakiak hartzen
3. Lanean
4. Ekoizpenak

 

Txoko ez hain lasaiak: irakaslearen laguntza izan dutenak.

 

Plastika 2
Idazketa

Kudeaketa:

Talde handian, txoko bakoitzean egin beharreko lana aurkeztu dugu. Haur taldea 5 talde txikitan banatu dugu. Talde bakoitza txoko batean egon da. Beraz, 5 egun behar izan ditugu haur guztiak txoko guztietatik pasatu ahal izateko. Talde bakoitzak eguneko jarduera bat egin du. Zein txokotan tokatuko zitzaien erabakitzeko, taldekideen artean hitz egin dute, eta egin gabe zuten txokora joan dira. Ikasle guztiak txoko batetik pasatu direla ikusteko, txoko bakoitzaren erregistro orrian erregistratu dugu, gomets baten bidez.

6.5. Kanta

KOLOREZKO ZAPIAK

(Txin eta Txan CDtik)

6.6. Olerkia

Olerkia

Morea Gorria Laranja Urdina Berdea Horia Mokoa margotzen ari da txoria.

 

 

6.7. Erakusketa antolatzen (talde handian)

Guztion artean egin dugun artelanaren ondoan, Laukizuzenak zutik eta etzanda, haur bakoitzak “plastika 1” txokoan egin duen artelana itsatsi du, eta, horren azpian, idazketa txokoan idatzitako autobiografia txartela.

Erakusketa ikusi dugu, eta, ondoren, “Zein da gehien gustatu zaizuna eta zergatik?” galderei erantzuten saiatu dira.

6.8. Sukilbideri gutuna idazten (talde handian, korroan)

Autobiografiaren galderak erabiliz, talde handian, Sukilbide margolariari gutuna idatzi diogu. Gutunarekin batera gure artelanaren argazkia ere bidali diogu.

 

7. Ikaskuntza egiaztatzen (talde handian, korroan)

Gure artelanen dosierra eta horma-irudiaren berrikusketa egin dugu, eta hasieran zer genekien eta orain zer dakigun ikusi dugu.

8. Ebaluazioa

8.1 Irakaslea: Ebaluazio irizpideak

 

8.2. Ikaslea: Sentimenduen taula

Haur bakoitzak proiektua baloratu du. Arbelean edo paper zuri handi batean, ikasle bakoitzak eta irakasleak bere laukia bete dute; ondoren, korroan komentatu dugu: “Gustatu zaizue?”, “Ez zaizue gustatu?”, “Zergatik?”, “Nola sentitu zarete?”, “Zergatik?”, “Zer marraztu duzu?”... Jasotako datuak apuntatu egin ditugu, proiektuan egin beharreko aldaketak ikusteko.

 

Oharra. Jardueren balorazioa saio bakoitzaren bukaeran egitea komeni da. Proiektuaren azken saioan jarduera guztien ebaluazioa egingo bagenu, gehiegi luzatuko litzateke.

 

DOSIERREAN SARTU DUGUN INFORMAZIOA:

1. AZALEAN: azken ekoizpenaren argazkia egileekin batera.

2. OLERKIA eta KANTA

3. IKASLEAREN ARTELANAK

4. AUTOBIOGRAFIA

GEHIGARRIAK

Sukilbide margolariaren inguruko informazio gehiago izateko:

• Juan Sukilbide. Pinturas
• Juan Maria Sukilbide. Bloga
• Sukilbide eskoletan: Argia ikastola, ikasleek egindako erretratoak

 

/ Egileak: Maider Ayerdi, Batirtze Foruria eta Rakel Santamaria /