|
|
LAN-EGUNKARIA | MARTXOAK 27 |
Testua begiratu eta esapide hauen sinonimoa (edo esanahia) idatzi:
• astoaren mandolina: _______________________________
• hortzak ikaran dituk: _______________________________
• beldurrak airean egon: _____________________________
• abaila bizian etorri: ________________________________
• kopeta beltza erakutsi: _____________________________
• oilo ipurdia aterarazi: _______________________________
• begiz joa zeukaat: _________________________________
Iruñeko lagunei idatzitako gutuna (50. eta 51. or.) berriz irakurriko duzue. Ondoren, beheko galderak erantzunen dituzue:
Zenbat gezur bota ditu? Zergatik? Zer aldatu du? Zergatik geratu zaio zapore gazi-gozoa gutuna idatzi ondoren? |
Idazleak liburuan pasarte eta marrazki hau eskaintzen dizkigu.
(...) bidezidor ikusezinez josita dagoen pareko menditik, kantu baten hotsa heldu zaigu. Hara begiraturik, hiru puntu, hiru inurri ttiki ikusi ditut. Gertuagotu direnean, haien jantzi koloretsuen gainetik, bizkarraldean zekarten egur sorta antzeman diet.
- Emakumea da gure gizarteko habea –jarraitu du Abdelkrimek, eskolatik kanpo ere irakasle izateari uzterik ez balu bezala-. Hemengo familietan beraiek garbituko dute arropa, beraiek ekarriko ura eta egurra, beraiek prestatuko otorduak... |
Idazleak lerro hauetan esaten duena fikzioa edo erreala al da? Zer uste duzu? Denon artean hurrengo puntu hauek komentatuko dituzue:
o Zer garaitan kokatuko zenuke? Gaur egun horrela bizi direla uste duzu?
o Emakumeak gazteak ala zaharrak izanen dira?
o Marokoko emakumearen papera zein da?
o Hemengo emakumearen bizimodua eta hangoarena alderatu.
Oraingoan arreta handiz begiratu Marokoko Ourika haraneko emakume hauei. Lehen hitz egindakoa kontuan hartuz, hamabost bat lerro idatzi argazki honek iradokitzen dizuna esanez.
“Abdelkrim gaur ere ni harrapatzeko zorian egon da Xerezaderen historia ezagutzen ote nuen galdegitean, baina nik irmotasunez baietz erantzun diodanez (gezurra bada ere, ez nuen berriro lotsagarri geratu nahi), zalantzarik egin gabe”. (58-59. or.)
Zuk Xerezaderen istorioren bat ezagutzen duzu? Harrapatu zaitugu, ezta?
Klasean denon artean Mila gau eta bat gehiago liburuko ipuin batzuk irakurriko dituzue.
Ezti tanta Behin batez izan omen zen oihanean piztiak harrapatzen ibiltzen zen ehiztari bat. Halako batean, mendi bateko leize-zulo batean sartu, eta harri arteko zulo bat bete ezti topatu zuen. Aldean zeraman zahagia eztiz bete, eta hirirantz itzuli zen. Olioarekin salerosketan zebilen gizon baten dendan gelditu zen, eta eztia erakutsi zion. Saltzaileak eztia dastatu, eta erosi egin zion. Zahagitik ezti tanta bat jausi zen, eta hara txori bat hegaldatu zen. Baina merkatariak katu bat izan, eta katua txoriaren gainera oldartu zen. Baina zakur batek katua ikusi, eta, jauzi eginez, katua akabatu zuen. Baina merkatariak hura ikusi, eta zakurra garbitu zuen. Orduan ehiztariak jauzi egin zuen merkatariaren gainera, eta hil. Merkataria herri batean bizi zen eta ehiztaria beste batean, eta hilketaren berri izan zutelarik, bi herriek armak eta gerra tresnak hartu, eta elkarri egin zioten eraso. Bi aldeen borroka odoltsua izan zen eta ezpatak ukaldika ibili ziren harik eta denak hil ziren arte. Jainkoak bakarrik daki zenbat izan ziren. Egunsentiaren argitasunak ezustean harrapatu zuen Xerazade eta honek hitz egiteari utzi zion. Dunyadad ahizpak ipuinari zoragarria iritzi zion, eta Xerazadek are ipuin zoragarriagoa kontatuko zuela hitz eman zuen, baldin eta Xariar sultanak bizia beste egun batez luzatzen bazion. Erregeak, orduan, jakin-gosearen jakin-goseaz, onartu beste aukerarik ez zuen izan. |
Hegaztien mintzaira ulertzen zuen esklaboa
Gizonaren zuhurtzia beste behin ere argi baino argiago geratu zen. Antza, gizon aberats batek mutil esklabo bat erosi zuen azokan. Etxera eraman zuen, eta emazteari hura zaintzeko esan. Egun batez, gizonak emazteari esan zion:
Baina gertatu zen mutil esklaboak ere entzun zituela hitz haiek eta, ez bat eta ez bi, janariak eta edariak bildu, eta lorategira jo zuela. Jatekoak zuhaitz baten erroetan kokatu zituen, edatekoak beste baten azpian, eta gozokiak eta fruta beste batean ezkutatu zituen. Hala bada, biharamunean emakumea lorategira irten zelarik, jauntxoak esan zion:
Zaldi gainean abiatu dira eta, lorategira heltzean, bele baten karranka entzun dute:
Emakumea inguratu da zuhaitzera, eta, beleak adierazi bezala, jaki ezin finagoak topatu ditu. Mutila ere joan zaio, eta biek bapo jan dutelarik, berriro ere abiatu dira. Bidean aurrera, beste bele batek karranka egin zuen.
Horrek are gehiago handiagotu zuen emakumea mutikoarekiko sentitzen hasi zen lilura eta miresmena. Berriro ere bidean abiaturik, hirugarren bele baten karranka entzun zuten.
Esan eta izan. Eta doi bat jan zutelarik, berriro ere ibiltzeari ekin zioten. Beste bele batek karranka egin zuen orduan, baina oraingoan mutilak harri bat jaurti zion.
Emakumea tematu egin zen eta, hainbeste ekin zion azkenean mutilak itzuli behar izan baitzion:
Emakumea irriz karkailaka hasi zen, lehertu beharrean.
Eta zuhaitz baten azpialdean tapiz bat zabaldu zuelarik, mutilari hurbiltzeko esan zion. Baina hara non une hartan senarra agertu zitzaien:
Emakumea orduan aieneka eta itxurak egiten hasi zen:
Senarrak azkar baino azkarrago zaldi baten gainera igo zuen, eta denak abiatu zirelarik, emazteari esan zion:
Hauxe duzu gizonen zuhurtziaren hamaika adibidetako beste bat. Egunsentiaren argitasunak ezustean harrapatu zuen Xerazade eta honek hitz egiteari utzi zion. Dunyadad ahizpak ipuinari zoragarria iritzi zion, eta Xerazadek are ipuin zoragarriagoa kontatuko zuela hitz eman zuen, baldin eta Xariar sultanak bizia beste egun batez luzatzen bazion. Erregeak, orduan, jakin-gosearen jakin-goseaz, onartu beste aukerarik ez zuen izan. |
Senar jeloskorra eta loroa Ba omen zen behin emakume ezin ederrago bat oso senar jeloskorra zuena. Behin batez, bidaia bat egin behar izan zuen eta, etxea bien bitartean zaintzeko eta itzulitakoan zer gertatu zen jakiteko, lororik burutsuena eta berbatsuena erosi zuen. Bidaiatik itzuli zenean, ezer baino lehen loroarengana jo zuen eta hark hitzez hitz kontatu zion emazteak maitalearekin egin zuen guztia. Senarrak esan ezin ahalako bihotzondokoa hartu zuen eta berealdiko jipoia eman zion emazteari. Emazteak berehala bere neskameen susmoa egin zuen eta banan-banan galdezkatu zituen. Baina haiek errugabeak zirela erakutsi zioten eta loroa senarrarekin solasean entzuna zutela adierazi. Orduan emazteak loroa nabarmen utzi nahi izan zuen. Senarrak gauez etxetik irten behar izan zuen batean, emazteak neskame bati ehogailu bat hartzeko eskatu zion, eta loroaren kaiolapean aleak ehotzeko; beste bati kaiola ureztatzeko agindu zion; eta hirugarren bati kaiola inguruan ispilu batekin paseatzeko. Biharamun goizean, senarrak loroarengana jo zuen eta honek hitzez hitz kontatu zion gertatutako guztia:
Senarra harritu egin zen, batez ere kontuan harturik uda minean zeudela eta berak ez zuela inongo ekaitzaren arrastorik izan. Baina loroak gezurretan jarraitu baitzuen, hura kaiolatik atera, eta han berean akabatu zuen. Zenbait egunen buruan, senarrak jakin zuen loroak egia esan ziola eta dena emaztearen amarrukeria izan zela. |