Diruaren arduraduna da. Film luze batek diru asko balio du. Produktorearen ardura finantziazioa ekartzea da.
Produktoreak enpresa-pentsamoldea eduki behar du. Proiektuaren bidegarritasunean pentsatu behar du, baita filmaren banaketan eta marketing-a bezalako beste alderdietan ere. Beraz, proiektuaren ikuskera globala eduki behar du.
Produktorearen zeregina:

• Proiektua aukeratzea eta onartzea.
• Filmeko protagonistak hautatzea.
• Filmaren aurrekontua egitea.
• Filmazio plana lantzea.
• Dirua bilatzea, edo berea ematea.
• Filmaziorako talde aproposa bilatzea.
• Gastu guztiak kontrolatzea.
• Filma saltzeaz arduratzea.

Buru pentsalaria da. Zinema zuzendariak orkestra zuzendari batek bezala lan egiten duela esan daiteke, osatzen duten elementu tekniko eta artistiko guztiak koordinatuz.
Zuzendariak idatzitako istorioa irudi bihurtzen du eta bere lanari errealizazioa esaten zaio. Lanean diharduenean filmatzen ari dela esaten dugu.
Zuzendariaren eginkizunak:

• Talde teknikoa eta artistikoa koordinatzea: gidoilariak, operadoreak, aktoreak, musikariak eta teknikariak.
• Filmari bere estiloa ematea. Filma zuzendariaren begien bidez ikusitako unibertsoa bihurtzen da.

Aktoreak