Oinarrizko Hizkuntza Trebetasunak / DBH 2

Oinarrizko Hizkuntza Trebetasunak aukerako irakasgairako ariketak prestatzeko Curriculuma hartu dugu kontuan. Literatur Sorkuntza irakasgaian bezala, era askotako ariketak prestatu ditugu DBH 2. mailako hautazko irakasgai honetarako. Curriculumean eduki anitz ageri dira, eta irakasleekin izandako elkarrizketetatik abiatuz, alde batetik, lau trebetasunak eta bestetik, ortografia, narrazio testuak, ipuinak... lantzeko ariketak sortzea erabaki genuen.

Lau trebetasunak lantzeko ariketak aurkituko dituzue, baina ariketak hiru trebetasunen arabera sailkatu ditugu (entzunaren ulermena, irakurriaren ulermena eta mintzamena), ariketaren helburu nagusia trebetasun hori lantzea baita. Hala ere, mintzamena lantzeko ariketa izan arren, beste trebetasunak ere lantzen dira ariketetan, aurretik zer edo zer irakurri beharko dutelako, zer edo zer idatzi, eta abar. Hortaz, irakaslearen lana errazteko, taula batean adierazita ageri da ariketa bakoitzean zein diren lantzen diren trebetasunak.

Era berean, gure ustez, garrantzitsua da ariketa hauen nolakotasuna azpimarratzea, izan ere, material osagarria da eta ikastetxeetan dagoen materiala osatzera heldu da. Esan bezala, ariketa sorta oparoa da, era askotakoa eta irakasleen lana erraztea espero dugu.