|
OINARRIZKO
HIZKUNTZA TREBETASUNAK |
Dendan
Arbelean hainbat denda zerrendatuko ditugu. Ikasleak bikoteka jarriko ditugu eta bikote bakoitzak denda bat aukeratuko du. Bat saltzailea izanen da eta bestea eroslea. Elkarrizketa asmatu beharko dute.
Beste aukera bat izan daiteke irakasleak esatea haien elkarrizketan dena ongi joanen den (eroslea konforme dagoen...) edo eroslea eta saltzailea haserretuko diren.
Adibideak:
Dendaria: Egun on. Zer nahi duzu?
Eroslea: Larruzko prakak nahi ditut.
Dendaria: Ongi da. Eskuineko aldeko apaletan dituzu larruzko prakak.
Eroslea: Hauek gustatzen zaizkit. Zenbat balio dute?
Dendaria: 132 euro.
Eroslea: Asko gustatzen zaizkit. Nire neurrikorik ba al duzue?
Dendaria: Zer neurri erabiltzen duzu?
Eroslea: 38a.
Dendaria: Tori 38a.
Eroslea: Probagelara noa.
Dendaria: Ongi al dituzu?
Eroslea: Bai, primeran dauzkat. Eramanen ditut.
Dendaria: Besterik nahi al duzu?
Eroslea: Ez, ez dut besterik behar. Tori dirua.
Dendaria: Esker mila eta nahi duzun arte.
Eroslea: Bai, agur eta izan ongi.
|
|||||
|
|||||
|