Atalen artxiboak: Lehen Hezkuntza

1.DBHko ikasleek egindako lanak

A ereduan, gehienetan, material egokia aurkitzea izaten da arazo nagusietako bat. Testu liburuetako eduki eta jarduerak ez ditugu gure ikasleentzako aproposak ikusten. Horregatik, askotan, hoberena ikasleekin materiala sortzea izaten da. Eta zergatik ez erabili IKTak horretarako ?   Testu-liburuan landutako edukiak indartzeko proiektutxoak egiteko erabil daitezke eta, gainera, oso motibagarriak izaten dira.

Hona hemen klasean egin daitezkeen lantxoen adibide batzuk:

DBHKO 1.mailako NAVARRO VILLOSLADA BHIko ikasleek egindakoak:

 

GAIA: Izaera, itxura fisikoa, aldartea eta jarrerak. Hiztegia lantzen

EGINKIZUNAREN AZALPENA

ADIBIDEAK:

Talde osoarekin egindakoak:

 

GAIA: Jatetxe baten webgunea diseinatu

EGINKIZUNAREN AZALPENA

ADIBIDEA:

Laura eta Leire

 

 

Ahozko hizkuntza irakastea weborria

AHOZKO HIZKUNTZA IRAKASTEA weborrian biltzen den materialak ahozko hizkuntza gelan sistematikoki lantzea du xedea.
Arlo honetan eman diren formakuntza ikastaroen edukia eta ikastxeetan egin diren esperientziak biltzen dira.
Esther Mugertzak eta Yolana Olasagarrek, Josune Zabalaren laguntzaz, egin dute bilduma hau. Weborria irekia eta dinamikoa izan nahi du eta egiten diren materialak sartuko dira egin ahala.

Ahozko hizkuntza irakastea

Hartzak

Bears CASED final_basque.inddLiburu labur hau hartzei buruzko ezagutza liburua da. Zenbat hartz mota dauden eta non bizi diren azaltzeaz gain, haien ohitura eta ezaugarri batzuen berri ematen du. Horretarako, testu xumea du, kolorezko irudiez apaindua. Azken orrietan, bi denbora-pasa eta haien erantzunak ditu.

(Lehen Hezkuntzako bigarren ziklorako aproposa izan daiteke).

Jarraitu irakurtzen

Etxea

9782226250988_MAISON_COUV_basque.inddetxea1Ttarttalo argitaletxeko liburu hau tolesgarria da, eta 360 graduko etxea edo 3Dko etxea dela esan daiteke. Kartoi lodiz egina dago, eta norberak asmatu behar du istorioa. Etxeko egongela, sukaldea, haurren logela eta bainugela ditu marraztuta, eta irudiei dagokion hiztegia ageri da.

Memoria nahiz hiztegia lantzeko aproposa da eta gauzen bila jolasean aritzeko aukera ematen du.

Jarraitu irakurtzen

Inauteriak 2015

Inauteriak zubieta Inauteriak gainean ditugu berriro. Inauteak, ihoteak, aratusteak, gizakundea, emakundea, orakunde… neguaren amaiera eta udaberriaren sarrera iragartzen dituzten festek antzinako sinesmen animistaren jatorri mitikoa dute.
Inauteriek badute mitologiarekin zerikusia. Mitologia pertsonaiak nahiz inauteri pertsonaiak antzinatik datozkigun euskal sinismenekin batu behar ditugu. Inauteri ohiturak eta pertsonaiak kristautasuna ailegatu aurretik udaberriko ekinozioaren ospakizunekin lotuak daude.

Inauteriak altsasu Material eta proposamen asko dugu gaur egun sarean gaia lantzeko. Hona hemen batzuk:
http://eu.wikipedia.org/wiki/Inauteriak_Euskal_Herrian Informazio orokorra.

– http://ttiki.com/302844  Haur Hezkuntzako proiektua.

http://www.amaroa.com/euskal-inauteriak/inauterietako-pertsonaiak Webgune honetan inauterietako pertsonaien berri ematen digute.
http://b08normalkuntza.wikispaces.com/JAIAK Leioako berritzeguneko web orri honetan baliabide batzuk aurki daitezke: jarduerak, baliabide bilduma, kantak, bideoak…
http://aggoiti.wix.com/euskal-herriko-ihauteriak Agurtzane Goitiak egindako orri hau oso interesgarria da.

 

Gabonak

Gabonak datoz. Gelan, gaia lantzeko hainbat material proposatu nahi dizuegu:

GABONAK:

Bianako Ikastolak  GABONAK orria dauka webean.

Kantak aurkitu daitezke hurrengo helbideetan: Euskarabidea, Gabi de la Maza eta Ikasmus.

Letrak Musikazblai orrian aurkitu daitezke.

lena 24

OLENTZERO ETA MARI DOMINGI:

EIBZren webgunean “Haur Hezkuntzarako 12 proiektu” materialean bada bat, “Hemen dago Olentzero” izeneko proiektua.

Webgune berean aurkitu daitezke beste hainbat MATERIAL.

ETBk Olentzeroren txokoa du eta bertan hainbat gauza.

Olentzero.net webgunean, besteak beste, esku lanak lantzeko materiala aurkitu daiteke.

Hiztegia lantzen jokoen eta irudien bitartez.

“A eredua, ahozko hizkuntza irakastea” ikastaroan parte hartzen duten hainbat irakaslek proposamen berriak egin dituzte hiztegia, jokoen eta irudien bitartez, ikasteko.
Hauek dira horietako batzuk:

Batetik, Youtuben, “Albaluken” kanalean, hainbat bideo, piktogramekin eginak, aurki daitezke: koloreak, zenbakiak, formak eta animaliak, hasierako mailetan lantzeko.

Bestetik, BINGO jokoarekin, zenbakiez gain, gauza asko lan daitezke: hiztegia (familia, animaliak, jakiak…), aditzak, adjektiboak…

Bingo familia

 

DOMINOA ere erabil daiteke jolasten ikasteko. (EIBZ, Euskal Girotzen barnetegiak). Merkatuan badira horrelako jokoak eta asmatu ere egin daitezke.

Sarean JOKO asko aurki daitezke.

Batzuk ordenagailuan egiteko. Adibidez: Childtopia: bilatu hitza, letra zopa, hitzez hitz esan,…Hitzapasa, etab.

Beste batzuk dinamikoak. Adibidez: Piktionary moduko jolasa, Jolastuz ikasi (postaria), eta beste.

piktionary euskaraz

EGONALDIAK

Ikasleak euskaraz bizi daitezen aukera paregabea da egonaldia egitea. Benetako hizkuntza egoera komunikatiboan jartzen ditugu ikasleak. Euskara erabiltzen den eremua badela ikusi ahal dute eta hori motibagarria izan daiteke haien interesa pizteko. Irakasleari aukera ematen dio hizkuntza erregistro diferenteak erabiltzeko, eta ikasleak hitz egin beharreko egoeran jartzen ditugu giro lasai eta dibertigarrian.

arantza1

Hona hemen egonaldiak antolatzeko hainbat informazio.

Eskualde euskalduneko hurrengo aterpe hauetan antolatzen ohi dituzte ikastetxeentzako egonaldiak:

Arantzako aterpea.

Beintzako Orbela aterpea.

Zugarramurdiko Graxiana aterpea.

Bertiz abentura.

Nafarroan beste baliabide batzuk ere badira:
Aterpe publikoak.
Aterpe pribatuak.
Kanpinak.

Animo eta ondo pasa!

San Simon eta San Juda.

San Simon eta San Juda eguna urriaren 28an ospatzen da. Uda amaitzera doa eta negua badator. Bi gauza horiek lotuta bere poema egin zuen Gabriel Aresti idazleak. Xabier Lete abeslariak egin zuen famatua kanta eta, Arestiren poema askorekin gertatu den moduan, kanta herrikoi bihurtu da.

Negua Lantz

(*argazkia: Anders Lanzen 2013)

Hona hemen letra:

San Simon eta San Juda
joan zen uda, eta negua heldu da: (bis)
ez baletor hobe, bizi gara pobre
eremu latz honetan
ez gara hain onak benetan

Ez dugu zaldirik, ez gara zaldunak
ez dugu abererik, ez gara aberatsak
euskara guk dugu, gu gara euskaldunak
euskara guk dugu, gu gara euskaldunak..

Bideo honetan ikus daiteke Xabier Leteren kanta (txantxangorria):
http://ttiki.com/84119

Eta honetan Txatanuga Futz Bandaren bertsio martxosoa (Javi de la Maza)
http://ttiki.com/84120

Aurretik, ondoren

AVANT_APRES- couv_BASQUE.inddTesturik gabeko album grafikoa da liburu hau, beraz, hainbat etapatan erabiltzeko aproposa da; adinaren eta mailaren arabera, jarduera desberdinak egiteko balio du: hiztegia ikasteko, istorioak sortzeko, ahozko adierazpena lantzeko…

Azalean, “bizitzan dena aldatzen da, etengabe…” esaldia ageri da, eta barruan adibideak ematen ditu, irudien bidez. Zenbait elementuren bilakaera eta garapena agertzen da: fruitua zuhaitza, beldarra tximeleta, harria eskultura, oiloa arrautza… Batzuetan, bi orritan baino ez eta, beste batzuetan, orri gehiagotan.

Bologna 2015eko sarituetako bat da.

Jarraitu irakurtzen