Kategoriaren artxiboa: Etapa HH

Jantzien erruletak

Claret Larraona ikastetxeko irakasleek Jantzien gaia errepasatzeko Power Pointen egindako bi erruleta partekatu dizkigute.

Erruletaren jarduera, PDIan egiteko da eta umeek gustukoa dute.

Jira bira sakatu botoia eta erruletak bira egingo du. Sakatu berriro eta gelditzen den jantziaren izena esan beharko duzu“.

Jantzien erruletak

Drive dokumentuan ez du funtzionatzen, horregatik, efektua ikusteko fitxategia deskargatu behar da.

Erruletak Power Pointen nola egin daitezkeen jakin-mina baduzue, Interneten bideo tutorial desberdinak ikus ditzakezue. Norbaitek euskaraz nola egiten den topatzen badu, idatzi mesedez, hemen bertan jarriko dugu.

Errutinak

Errutinak, hau da, egunero errepikatzen ditugun jarduera komunikatibo egituratuak, gelan hizkuntzaren ulermena eta adierazpena garatzeko aukera paregabeak dira.

Behin eta berriro errepikatzen ditugun jarduera hauek, ikasleei gero eta konplexutasun handiagoarekin aurkezten badizkiegu, ikasleei euren hizkuntzaren garapenean lagunduko diegu.

Hona hemen, errutinak lantzeko lelo, errima eta kanta bilduma polit bat. Dokumentua ez dago itxia. Jasotzen ditugun ekarpenekin osatzen joango gara. Hortaz, errutinak lantzeko, dokumentuan azaltzen ez den baliabide interesgarri bat ezagutzen baduzu, idatzi, mesedez.

Ahozkotasuna lantzeko animazio bideoak

Haur Hezkuntza eta Lehen Hezkuntzako lehenengo zikloan ahozkotasuna lantzeko, Angel Ayechu irakasleak, Stop motion animazio teknikaren bidez sortutako bideoak dituzue hemen. Zenbait jolas, hiztegia eta biltzeko errutina lantzeko interesgarriak dira:

Angelek ere sortutako, aditzak lantzeko rapa, Lehen Hezkuntzako orrian ikus dezakezue.

Irudi-txartelekin egiteko jarduerak

EIBZko Webgunean Irudi bilduma argitaratu dugu. A ereduko ikasgeletan erabiltzeko irudiak hiru tamainatan dituzue eskuragai helbide honetan: https://eibz.educacion.navarra.es/web1/irudi-biltegia/

15 gairen inguruko irudiak dituzue: Eguraldia, Emozioak eta aldarteak, Eskola ekintzak, Eguneroko ekintzak, Kirol ekintzak, Jakiak eta edariak, Jantziak, Abereak, Toki izenak, Garraiobideak, Lanbideak, Musika tresnak, Gure jaiak, Inauteriak eta Beste batzuk (gogoko dut/ez dut gogoko, hortzak, minak eta gaitzak).

Irudiekin, hiztegia lantzeaz gain, hainbat egitura landu daitezke. Ondorengo dokumentuan jarduera batzuk bildu ditugu:

Dokumentua

Gelan besteren bat egiten baduzu, gurekin partekatzea eskertuko genizuke. Irudi txartelekin egin daitezkeen jardueren bilduma aberasten eta osatzen joango gara.

Xaxardi ipuinaren kontaketa

Joana Zigandak eta Iker Uribek, bere ipuinaren kontaketa egiten dute aurrez aurre leku desberdinetan. Aurten, Nazioarteko liburuaren egunean ere hura egiteko asmoa zuten; baina, alarma egoerak etxean geratzea behartu zituen. Horregatik, bideo polit hau grabatzea erabaki zuten.

#EtxeanTinko ekimena

Euskara Zinema Aretoetara programaren behin behineko etetearekin batera, #EtxeanTinko ekimena abian jarri dute 2019/20 ikasturte amaiera bitarte.

Ekimen honek, aurrekoaren oinarri bera dauka: Nafarroako Hezkuntza Sareko ikasle eta irakasleei Euskarazko zinema eskaintzea.

2020ko Maiatzaren 18an hasi eta Ekainaren 12an amaituko da ekimen hau. Izena emateko epea maiatzaren 14an amaituko da.

Infomazio gehiago lortzeko edo eskaera egiteko, sar zaitez bere webgunean: Tinko

Ahozko hizkuntza lantzeko jarduerak

2008-2009 ikasturtean A eredua: material didaktikoen lanketa Haur Hezkuntzan ikastaroan, Mari Arrijuria, Josune Azcona, Nerea Carton, Maite Celayeta Oteiza, Sonia Encinas, Isaak Etxebeste, Enara Gonzalo, Miren Goñi, Aitziber Iraizoz, Miren Gurutze Jauregui, Nerea Lasa, Ainara Lopez de Alda, Ainara Lumbreras, Miguel Luna, Garbiñe Macazaga, Idoia Obineta, Leire Otaño, Jennifer Perez, Maria Jose Ruiz, Mikel Uribarren, Maite Uriz, Eneritz Zabaleta, Arrate Zarraua, Izaskun Zendoia, Nekane Zozaya eta Amaia Zudaire irakasleek “Ahozko hizkuntza lantzeko jarduerak” prestatu zituzten. Eguneratu ditugu eta hemen dituzue eskuragai:


2008-2009 ikasturtean sortutako eta antolatutako material gehiago ikusteko, ondorengo irudian klik egin ezazu:

2008-2009_Aeredua

Haur Hezkuntzarako 6 antzerki

2008-2009 ikasturtean A eredua: material didaktikoen lanketa Haur Hezkuntzan ikastaroan, Mari Arrijuria, Josune Azcona, Nerea Carton, Maite Celayeta Oteiza, Sonia Encinas, Isaak Etxebeste, Enara Gonzalo, Miren Goñi, Aitziber Iraizoz, Miren Gurutze Jauregui, Nerea Lasa, Ainara Lopez de Alda, Ainara Lumbreras, Miguel Luna, Garbiñe Macazaga, Idoia Obineta, Leire Otaño, Jennifer Perez, Maria Jose Ruiz, Mikel Uribarren, Maite Uriz, Eneritz Zabaleta, Arrate Zarraua, Izaskun Zendoia, Nekane Zozaya eta Amaia Zudaire irakasleek ondorengo antzerkiak prestatu zituzten:

3 urte

Peru eta Marigorringo
antzerkia A eredua
eredua
Tximeleta eta loreak
antzerkia A eredua
eredua

4 urte

3 txerrikumeak eta otsoa
antzerkia A eredua
eredua
Txanogorritxo
antzerkia A eredua
eredua

5 urte

Sagutxo kaskarina
antzerkia A eredua
eredua
Txokolatezko etxea
antzerkia A eredua
eredua

2008-2009 ikasturtean sortutako eta antolatutako material gehiago ikusteko, ondorengo irudian klik egin ezazu:

Aho-korapiloak eta zotz egiteko formulak

A ereduko irakasleek sortutako eta sailkatutako materiala duzue hemen. Bi ikasturte desberdinetan egindako lana bildu dugu bidalketa honetan.

1. 2007-2008 ikasturtean Iruñeko San Jorge I ikastetxeko Aitziber Iraioz Remiro eta Esther Olite Munarriz eta, Artaxoako Azpiroz Urraca Erregina ikastetxeko Gemma Larrañaga irakasleek, Haur Hezkuntzako haurrekin ahozkotasuna sustatzeko helburuarekin antolatutako eta sailkatutako materialen artean, Aho korapilo eta zotz egiteko formula hauek prestatu zituzten:

zotz egiteko formulak

2007-2008 ikasturtean antolatutako, sailkatutako eta sortutako material gehiago ikusi nahi badituzu, ondorengo irudian klik egin ezazu:

2007-2008 A eredua

2. 2009-2010 ikasturtean Euskara ikastetik euskaraz ikastera. A ereduko Haur Hezkuntzako gida didaktikoa eta proiektuak ikastaroan, Beldarrain Navas Gurutze, De Carlos Lazcano Yolanda, Carton Telleria Nerea, Esain Lazkano Maritxu, Flores Zabalza Nerea, Irurtia Irurzun Otxando, Saralegi Alkotz Idoia, Obineta Olaetxea Idoia, Uzal Eskudero Silvia eta Zabaleta San Sebastian Eneritz irakasleek, Aho korapilo hauek bildu zituzten:

Interneten ere, hau aurkitu zuten:

2009-2010 ikasturtean egindako eta bildutako material gehiago ikusi nahi baduzu, klik egin ezazu ondorengo irudian:

2009-2010 A eredua

JOLASTU GUREKIN IKASTAROA (0-6)

Jolastuko gara eta xaldun kortin, Jolastu Gurekin ikastaroaren izen ematea irekitzen da azaroaren 9a arte. Ikastaroa 12 ordukoa da. 0 urtetik 6 urte bitarteko haurren hezitzaile eta irakasleei zuzendutako jolasen ikastaroa da. Elkarrekin euskaraz jolasteko trebakuntza, baliabide desberdinak erabiliz: gure herrietako tradiziozko haur kantak, jolasak, talde dinamikak etabar. landuko dira.
Datak: azaroaren 11, 18 eta 25, eta abenduaren 2a.
Ordutegia: 17:00tik 20:00ra.
Tokia: Sanduzelai eskolako psikomotrizitate gelan.
Emailea: Olatz Pezonaga. Dindaia fundaziokoa.
Izena emateko: helbide honetan klikatu.
Plaza mugatuta, izenematearen ordenean onartuko dira. Azaroaren 9an onartuen zerrenda eman da jakitera.
Informazioa gehiago: 848 426 613 telefonoan

ikastaroa 0-6