Egilearen artxiboa: EIBZ

Proiektuak A ereduko Lehen Hezkuntzan

2020ko maiatzaren 11n eta 12an, “Proiektuak A ereduko Lehen Hezkuntzan” informazio saioak egin genituen. Deialdian, prestakuntza hau, aurrez aurre egiteko planteatu zen arren, itxialdiak horrela egitea galarazi zigun eta online egitea erabaki genuen. Oso interesgarriak izan ziren bi saioak. Hemen dituzue ikusgai:

  • Lehenengo saioa: Buztintxuriko Sorne Lerin Ugarte
  • Bigarren saioa: Noaingo ikasketa burua (Marisa Sorbet Sanchez) eta hiru irakasle (Arantzazu Asensio Igoa, Irune Elizondo Echeconanea eta Guratz Azpiroz Beunza)

Saioen grabazioez gain, azaldutako proiektuen inguruko material guztia prest duzue “Lehen Hezkuntzarako Baliabideak” orrian, Proiektuak atalean:

Noain herriko San Miguel ikastetxea

Noain herriko San Miguel ikastetxean ez dute libururik erabiltzen eta proiektuka lan egiten dute. Ikasleak gustura eta motibatuak daude euskarako klaseetan. 2019-2020 ikasturtean nola lan egiten duten ikusteko aukera izan dugu.


2. maila

Maila honetan urte batzuk daramatzate “Hizki-pasa” proiektua egiten. Ikasturte honetako lehenengo hiruhilekoan talde batekin proiektua nola garatzen duten ikusi eta grabatu dugu. Prozesuan zehar lau trebetasunak lantzen dituzte eta jarduerak oso ongi bideratuak daude azkeneko xedea lortzeko. Zuk zeuk proiektua aurrera eramatea nahi baduzu, hemen dauzkazu programazioa eta behar diren baliabide guztiak.

hizki pasa_proiektua
Programazioa

dokumentazioa
Materiala
Bideoa


3. maila

Maila honetan “Mahai jokoak” proiektua egin dute. Proiektuaren bukaeran, talde bakoitzak sortutako jokoa azaldu digu eta harekin nola jolasten duten ikusteko aukera izan dugu. Zoragarria izan da ikasleak euskaraz nola hitz egiten saiatzen diren ikustea. Zure gelan proiektua egin nahi baduzu, hemen dauzkazu proiektuaren programazioa eta beharrezkoak diren baliabideak.

mahai jokoak proiektua
Programazioa
dokumentazioa
Materiala
mahai jokoak bideoa
Bideoa

5. maila

Maila honetan “Nor da Nor” proiektua egin dute. Talde lana oso garrantzitsua da proiektu honetan. Hiztegi altxagarria eta 1-2-4 egitura kooperatiboaren bidezko abestien lanketa, proiektua garatzeko erabiltzen diren bi jarduera interesgarri dira. Proiektuari buruz gehiago jakin nahi baduzu eta zure ikasleekin aurrera eraman nahi baduzu, ikus itzazu ondorengo baliabideak.

nor da nor proiektua
Programazioa
dokumentazioa
Materiala
nor-da-nor
Bideoa

“Euskal aditzaren itsasontziak hondoratu” proiektua

Buztintxuri ikastetxean, proiektuak eta Roll playing dinamikak egiten dituzte A ereduko ikasleekin.

2019-2020 ikasturtean, Sorne Lerin irakasleak, “Euskal aditzaren itsasontziak hondoratu” proiektua azaldu digu bere ikasleekin aurrera eraman duen bitartean. Irakasle honek, ikasleen motibazioa sustatzeko, haiengana hurbiltzeko eta beraien mailara egokitutako edukiak eskaintzeko, bere burua grabatzen du jolasen azalpena egiten, jarduera baten prozesua nola egin behar den azaltzen edo berak sortutako ipuin baten antzezpena egiten. 

Sornek “Euskal aditzaren itsasontziak hondoratu” proiektua, 5. mailako ikasleekin egin du eta aurrera eramateko bi hiruhileko behar izan ditu.

Proiektu hau aurrera eraman nahi baduzu edo zure ikasgelarako ideiak hartu nahi badituzu, hemen dituzu, Sornek grabatutako bideoak, prestatutako materiala eta proiektuaren programazioa.

1. Programazioa

Euskal aditzaren proiektua

2. Materiala

dokumentazioa

3. Bideoak


Xaxardi ipuinaren kontaketa

Joana Zigandak eta Iker Uribek, bere ipuinaren kontaketa egiten dute aurrez aurre leku desberdinetan. Aurten, Nazioarteko liburuaren egunean ere hura egiteko asmoa zuten; baina, alarma egoerak etxean geratzea behartu zituen. Horregatik, bideo polit hau grabatzea erabaki zuten.

#EtxeanTinko ekimena

Euskara Zinema Aretoetara programaren behin behineko etetearekin batera, #EtxeanTinko ekimena abian jarri dute 2019/20 ikasturte amaiera bitarte.

Ekimen honek, aurrekoaren oinarri bera dauka: Nafarroako Hezkuntza Sareko ikasle eta irakasleei Euskarazko zinema eskaintzea.

2020ko Maiatzaren 18an hasi eta Ekainaren 12an amaituko da ekimen hau. Izena emateko epea maiatzaren 14an amaituko da.

Infomazio gehiago lortzeko edo eskaera egiteko, sar zaitez bere webgunean: Tinko

Hitzik gabeko bideo motzak

Bidalketa honetan, hitzik gabeko bideo motzen bilduma osatu dugu. Elkarrizketa pizteko eta bizikidetza lantzeko oso aproposak dira.

Jakituriaren Partxisa

Patricia Oregi Nogales irakasleak, Lehen Hezkuntzako A ereduko ikasleentzat prestatutako Jakituriaren Partxisa partekatu du gurekin. Hiztegia, zenbakiak eta egunerokotasuneko galde-erantzunak errepasatzeko mahai-joko erraz, atsegin eta entretenigarria da.

Hemen dituzue, mahai-jokoa eta harekin jolasteko jarraibideak:

Jakituriaren partxisa
Jakituriaren Partxisa
Jakituriaren partxisa
Jarraibideak

Ahozko hizkuntza lantzeko jarduerak

2008-2009 ikasturtean A eredua: material didaktikoen lanketa Haur Hezkuntzan ikastaroan, Mari Arrijuria, Josune Azcona, Nerea Carton, Maite Celayeta Oteiza, Sonia Encinas, Isaak Etxebeste, Enara Gonzalo, Miren Goñi, Aitziber Iraizoz, Miren Gurutze Jauregui, Nerea Lasa, Ainara Lopez de Alda, Ainara Lumbreras, Miguel Luna, Garbiñe Macazaga, Idoia Obineta, Leire Otaño, Jennifer Perez, Maria Jose Ruiz, Mikel Uribarren, Maite Uriz, Eneritz Zabaleta, Arrate Zarraua, Izaskun Zendoia, Nekane Zozaya eta Amaia Zudaire irakasleek “Ahozko hizkuntza lantzeko jarduerak” prestatu zituzten. Eguneratu ditugu eta hemen dituzue eskuragai:


2008-2009 ikasturtean sortutako eta antolatutako material gehiago ikusteko, ondorengo irudian klik egin ezazu:

2008-2009_Aeredua

Irakurketa dialogikoak

2020ko otsailaren 6an EIBZn irakurketa dialogikoen inguruko informazioa saio bat egin zen A ereduko irakasleekin. Hiru helburu zituen prestakuntza honek:

  • Irakurketa dialogikoak zer diren ezagutzea
  • A ereduan irakurketa dialogikoak aplikatzearen egokitasuna aztertzea
  • A ereduko irakasleei komunikazio eta hartu emanen toki bat eskaintzea

Saioan irakurketa dialogikoak aplikatzearen egokitasuna zalantzan jarri zen eta A ereduko ikasleekin aplikatzeko dauden zailtasunak azaleratu ziren. Dena den, saioa oso interesgarria izan zen, A ereduko irakasleek beraien praktikaz eta bizipenez hitz egiteko aukera izan zutelako eta ideiak elkartrukatzeko balio izan zuelako.

Irakurketa dialogikoak zer diren ezagutu eta oso era xume eta egituratu batean A ereduko ikasleekin aplikatzera animatzen bazara, hemen duzu saioan erabilitako aurkezpena:

dokumnetazioa