Egilearen artxiboa: Egileak

Zarrakazteluko eskolako ikasleak “Haur Kantarien Jaialdian”

Zarrakazteluko “Virgen de la Oliva” ikastetxeko A ereduko ikasleek Zangozako “Haur Kantarien Jaialdia 2014” emanaldian hartu zuten parte. Nayara, Amaya, Amaia, Yu, Sara, Iñigo, Leyre eta Carla, izan ziren “Aitormena” kantarekin Zangozako emanaldian aritu ziren ikasleak, Fernando irakasleak lagunduta.

Maiatzaren 31n, Burlatan egin zen emanaldi nagusian ere abestu zuten. Haien familiak ere bertan egon ziren laguntzen eta animatzen.

Amaia Domingez Euskal Kantuzaleen Elkarteko kidea eta Tafallako Ikastolako irakaslea da, eta berak antolatu du 2014ko Haur eta Gaztetxo Kantarien Jaialdiaren XX. edizioa. Bertan, Nafarroako 12 ikastetxetako 6 eta 16 urte bitarteko 136 haurrek eta gaztetxok parte hartu dute, eta 17 kantu abestu dituzte.

Zorionak Zarrakazteluko taldeari.

Begira emaitza:

Proiektua: Iruñeko seinaleek euskararen ordenantza betetzen ote dute?

Iruñeko Navarro Villoslada institutuko ikasleak kalera atera dira hiriko seinaleek euskararen ordenantza betetzen dutenetz aztertzera. Argazkiak bildu, eta sarean jarriko dituzte.

Iruñeko hizkuntza paisaia aztertzera atera ziren Batxilergoko lehenbiziko mailako A ereduko 11 ikasle. Argazki kamera, mapa eta papera eskuan, seinaleetan euskara ageri zenetz, eta agertzekotan, nola agertzen zen bildu zuten. Iruñeko Udalak ez zuen azterketa gainditu; are gehiago, nota oso txarra atera zuen. Adibidez, Itxaso Turrillas, Miriam Mortalena eta Julen Rodriguezen taldeak hamar seinale egoki baizik ez zituen aurkitu. 35 gaizki ziren.
N. Villoslada A eredua
Biko taldeak egin, eta kaleak banatuta ekin zioten ikasleek lanari. Nafarroako Gorteen kalean abiatu ziren Turrillas, Mortalena eta Rodriguez. 150 metro baizik ez zituzten egin, eta ordurako hainbat argazki atera zituzten. Kalearen izena euskaraz zegoen San Ignazio etorbidearen bidegurutzean. Metro gutxi batzuk aurrerago, baina, soilik gaztelaniaz ageri zen kale beraren izena. Pentsa liteke bigarren plaka zaharragoa zela. Ez da hala. Orain, Iruñeko Udalak kalearen izena gaztelaniaz idazten du, eta alboetan calle eta kalea hitzak jartzearekin aski dela dio.

150 metro baizik ez ziren, eta zezen plaza eta Txantrea hitzak ez ziren euskaraz ageri seinaleetan. Seinale berean, Norabide guztiak txikiagoa zen Todas las direcciones baino, eta Alde Zaharra hitza letra etzanez eta gris kolorez idatzia zegoen, gaztelaniazko adiera ez bezala. Parkimetroa erabiltzeko argibideak ere ez zeuden ordenantzak eskatzen duen bezala adieraziak. Euskarazko azalpenak letra etzanean ageri ziren, eta zati batzuk gaztelaniaz soilik adieraziak zeuden. Guztien artean batek arreta piztu zien ikasleei: Nafarroako Gobernuko Ekonomia eta Ogasun Departamentuak ez zuen euskararik bere atarian. Udalaren hizkuntza paisaia zen aztertu beharrekoa, ordea. Horrela aztertu zituzten inguruko hainbat kale.

Helburuak bete zituzten. Haien irakasle Amaia Irazustak azaldu zuenez, ikasleak euskarara gerturatzeko modu bat izan zen, baita hausnarketa bultzatzeko bidea ere. Izan ere, ikasleetako batzuek ez dute uste euskara bazterturik dagoenik. Jarduera «erraza» eta «polita» izan zela zioen. A eredukoak izanik, euskara maila apala dutela azaldu zuen; beraz, gutxi ateratzen dira ikastetxetik euskarazko jarduerak egitera. «Honek asko motibatu ditu, haien lanak zerbaiterako balio duela ikusten dutelako. Udalari erakutsiko diogu». Googlemapsen paratuko dituzte irudiak eta euskalgintzari bidaliko dizkiote.

Artikulu osoa BERRIA egunkariaren helbide honetan irakur daiteke: //paperekoa.berria.info/tartea/2014-04-09/036/001/nota_txarra_udalaren_seinaleei.htm

HABEko IKASBIL ataria, orain eskukoan eta tabletan.

IKASBIL ataria, orain eskukoan eta tabletan. Izan ere, bertsio berezia jarri baita martxan, aipatu gailuetan edukiak modu egokian aurkezten dituena. Gainera, ez da beste helbiderik idatzi behar, ordenagailua ez den gailu batetik sartzen dena modu automatikoan bidaliko baitu sistemak bertsio egokitu honetara.

(WEB gunea hauxe da: http://www.ikasbil.net/web/ikasbil/home)

Ikasbil sakelekoan

 

 

Sartu orduko lau hizkuntza eskainiko dizkigu aukeran: euskara, gaztelania,  frantsesa eta ingelesa.

 

Maila ere aukeratu ahal izango dugu: A1, A2, 1. maila, 2. maila, 3. maila edo 4. maila.

Lehenengo lerroan, bilatzailea dago, eta bertan, edozein gako-hitz idatzita, interesatzen zaizkigun edukiak aurkituko ditugu.

Ikasbil sakelekoan2

Jolasean

Jokoa metodo bat da, ezagutzen asimilazio kontziente eta entretenigarria, gaitasunak garatzea eta ikasleengan azturak sortzea sustatzen duen tresna didaktiko-pedagogikoa.
Ahozko zein idatzizko komunikazioaren garapena eta ikasle guztien parte-hartze aktiboa ahalbidetzen ditu. Gainera, hizkuntzaren praktika umorearekin, entretenimenduarekin eta gozamenarekin konbinatzea ahalbidetzen du.

Hizkuntza jokoak erabilita ikasleek eta irakasleek normalean ikasgelan izaten den harremanetik bestelakoa izaten dute. Jokoek lagundu egiten diote irakasleari ikasleengandik hurbilago egoten, modu atsegin batean, eta horrek erraztu egiten du irakaskuntza-ikaskuntza prozesua.
Ildefonso Gustavo Díaz Sandoval irakasleak esaten du, maiz, jokoak eskoletako azken minutuetan egiteko zerbaiten gisa hartzen badira ere hori akatsa dela. Azken finean, jokoak modu planifikatu batean egin behar dira, programaren helburuekin bat, kontuan izanik, gainera, ikasleen ezaugarriak, adinak, interesak eta beharrak, izan ere, horien aplikazioak orientazio metodologiko egokia eskatzen baitu.
Hizkuntza jokoak aukera paregabea eskaintzen du ikasle guztien parte-hartzea sustatzeko, baita lotsatienena edo pasiboenena ere, horiek epaile edo arbitro aritzen ahal baitira.

Jokoaren arrakastaren zati handi bat gelako antolamenduan oinarritzen da. Erabat funtsezkoa da kontuan izatea ikasgela bikoteka, multzoka, taldeka… bana daitekeela, hainbat antolamendu motari erantzunen dioten jokoak antolatzeko.
Ez da beharrezkoa jokoak lehian oinarritzea beti. Irakasleak edo jokoaren apuntatzaileak puntuak eman behar dituzte erantzun zuzen bakoitzeko eta arbelean idatzi puntuazio hori. Psikologikoki motibagarriagoa da irabazleei puntuak gehitzea faltengatik puntuak kentzea baino.
Nolanahi ere, irakasleak jokoen praktikan umore dosi on bat sartzeko trebetasuna izan behar du.

jolasak1  jolasak3jolasak2
Hemen dira sarearen helbide batzuk:

– Aisia.net. http://www.aisia.net/jolasak

– Abestu eta jolastu euskaraz. http://aggoiti.wix.com/euskaljolasak#!

– Jolas bilduma. Euskal Girotze Barnetegiak. http://egbjolasak.ulibarri.info/index.php

“Haur Hezkuntzarako 12 proiektu eta gida didaktikoa” ikas-materiala aurkeztu da.

Urriaren 23an, Euskararen Irakaskuntzarako Baliabide Zentroan (EIBZ), Haur Hezkuntzarako 12 proiektu eta gida didaktikoa ikas-materiala aurkeztu zuten Maider Ayerdi Serrano, Batirtze Foruria lturrizaga eta Raquel Santamaria San Roman irakasleek.

eredurako material egokien falta nabarmena zela ikusita, irakasle horiek beharra atzeman zuten A eredurako HauHezkuntzako programazio-proposamena formatu erabilgarrian sortzeko. Pentsatu, eta egin: proiektu hori abian jarri zuten.

EIBZn egindako informazio-saioak bi zati izan zituen.  Lehendabizikoan, Rakelek eta Maiderrek gida didaktikoaren alderdi teorikoa azaldu zuten. Curriculuma oinarritzat hartuta,  “Hizkuntzak: komunikazioa eta irudikapena” arloko 4 multzoak lantzen dira proiektuetan: Hitzezko Hizkuntza, lkus-entzunezkoen eta Informazioaren eta Komunikazioaren Teknologien (IKT) Hizkuntza, Arte Hizkuntza eta Gorputzaren Hizkuntza. “Nork bere burua ezagutzea eta autonomia pertsonala” eta “lngurunea ezagutzea” arloak ahaztu gabe.

OLYMPUS DIGITAL CAMERAOLYMPUS DIGITAL CAMERAOLYMPUS DIGITAL CAMERA

Proiektuetan, Haur Hezkuntzako 3, 4 eta 5 urteko ikasleen ezaugarriak kontuan hartu dira eta, gainera, euskara ikasgai gisara lantzeko metodologia aldaketa ere bai, hau da, euskara ikastetik euskaraz ikastera pasatu nahi izan dute. Horretarako, aintzat hartu dira ondokoak: espazioen banaketa, txokoak, baliabideak, taldekatzea, eleaniztasuna eta aniztasunaren trataera.

Gero, proiektuen nondik-norakoak azaldu zituzten: proiektuen zergatia, proiektuetarako osatu duten eredua, proiektuen zerrenda, proiektuen egitura, proiektuetan erabilitako baliabideak, hala nola, maskotak, errutinak, horma-irudia, dosierra eta sentimenduen taula. Hau da, proiektuaren dinamika eta ebaluazioa zertan diren azaldu zuten.

Bigarren zatian, Batirtzek “Altxorraren bila” proiektuaren berri eman zuen modu praktikoan. Horretarako, aldez aurretik hitzaldi aretoa apaindu zuen bere ikasgelako 5 urteko ikasleekin erabilitako material guztia baliatuta: pirata-jantzia, banderak, kapelak, horma irudiak, mapa, kutxa, paperak, margoak… Pausoz pauso azaldu zuen proiektua, hasieratik bukaeraraino, proiektuan proposatzen diren etapen arabera.

HH proiektuak pausoak

EIBZko webguneko helbide honetan aurki daitezke proiektuak:

http://eibz.educacion.navarra.es/baliabideak/a_materiala/2013/

Entzuleek biziki estimatu zuten irakasle horiek egindako lana, bai eta modu teoriko-praktikoan azaltzeko modua ere. Bestalde, proiektuek egitura finkoa izatea eta eman zizkieten gomendioak eskertu zituzten.

 

 

Bazen behin…

Ipuinak gure haurtzaroko gelaren giltza dira. Kalekumeok ere baserriko amonaren sutondoko kontakizunak irudikatu izan ditugu, inoiz bizitzeko aukerarik izan ez arren. Aitak edo amak kontatutako ipuinak izaten ziren lokartzeko garaian bakea ematen zigutenak. Txikitan, buruari mila buelta ematen genizkion zenbait pasarterekin: otsoak Txanogorritxo jan zuela pentsatzeak baino min handiagoa sortzen zigun otsoaren tripa harriz beteta putzura botatzen zutela ikusteak, gizajoa!… Edo Edurnezuriren  mendekua, hainbeste oinaze igaro eta gero, sekula ez zela nahikoa iruditzen zitzaigun…

Behin eta berriz entzun izan dugu, ipuinen bitartez, gure nortasuna garatzen dugula; sormena lantzen dugula eta fantasiazko mundura hegan egiten dugula; ezkutuko baloreak, konturatu gabe, barneratzen ditugula eta abar.

 

Ipuinak hizkuntza garatzeko berebiziko elementuak dira; ia-ia ezinbestekoak lehenengo urteetan, eta premiazkoak gero.

Hori dela eta, ipuina lantzea nahitaezkoa dugu gelan.

 Ipuina lantzeko, sarean badira hainbat baliabide:

Horietako asko “Ipuinak Haur eta Lehen Hezkuntzan” orrian ikus daitezke: http://www.scoop.it/t/ipuinakhauretalehenhezkuntzan

Ikasbil-en ere badira batzuk: http://www.ikasbil.net/web/ikasbil/ipuinak

EIBZn ere zenbait baliabide ditugu:

Liburu ibiltariak (maileguan har daitezkeen maletak): http://centros.educacion.navarra.es/creibzw/web/index.php/liburutegia/liburu-ibiltariak.html

Kamishibai ipuinak (hauek ere maileguan):

http://centros.educacion.navarra.es/creibzw/web/index.php/liburutegia/kamishibai.html

Irakurketa gidak: http://centros.educacion.navarra.es/creibzw/web/index.php/liburutegia/irakurketa-gidak.html

Eta hala bazan ala ez bazan sar dadila kalabazan eta atera dadila herriko plazan!

 

 

Haur Hezkuntzako proiektuak A eredurako

Zintak

Euskara ikasgaiaren irakaskuntzak Nafarroan, A ereduak, bide luzea egin du azken hamarkadetan. Hala ere, materialetan ez dago beste ereduetan dagoen bezainbesteko aukera zabala. Hau gutxi bailitzan, daukagun egoera ekonomikoaren ondorioz, giza baliabideak eta baliabide materialak gero eta urriagoak dira. Ereduak erronka berriak ditu: metodologia berritu behar da, edukien bidezko irakaskuntza landu, teknologiak erabili eta abar. Horretarako, zenbait urrats ematea beharrezkoa da: prestakuntza, baliabide teknologikoak,…eta hain zuzen ere, lan horietan saiatzen ari gara.

Giro honetan pozgarria da hemen aurkezten dugun materiala izatea eta biziki eskertu behar da irakasle taldeak egin duen lan anitza. Haur hezkuntzarako 12 proiektu prestatu dituzte 3, 4 eta 5 urtekoen geletan erabiltzeko. Eta gida didaktiko lagungarria ere idatzi dute metodologiaren eta baliabideen berri emateko. Baliabide kopurua zabaltzeaz gain, gelako, eguneroko, lanean tresna oso baliagarria izango delakoan gaude.

EIBZko web orriko helbide honetan aurki daitezke proiektuak:

http://eibz.educacion.navarra.es/baliabideak/a_materiala/2013/

Kanta dezagun, kanta!

 

euskal kantuak badok

Kantak gelan lantzea hagitz gomendagarria da. Kantatuz ikasleen ahozko gaitasuna, gaitasun musikala eta elkarrekiko harremanak lantzen ditugu; zeren kanta batek bere letra dauka (ahozkotasuna), musika (gaitasun musikala) eta besteekin partekatzen dugun ikas-esperientzia. Eta ez hori bakarrik, abesten dugunean, pertsonen arteko harremana, hausnarketa eta barnera begiratzea bultzatzen ari gara. Gainera, hori guztia gutxi balitz, kantak duen esanahi afektiboa ere gehitu behar diogu: sentimendua, esanahi pertsonala eta sortzen digun lotura.

Jarraitu irakurtzen

Aisa euskara online ikasteko doako ikastaro berria sortu du Habek

Habe Aisia on line

Aisa euskarara hurbiltzeko harrera-ikastaroa da; beraz, oinarrizko mailatik hasten da. Online funtzionatzen du eta, esan bezala, doakoa da. Bakarka, norberak euskara internet bidez ikasteko aukera ematen du. Ikastaroko ariketak eta azalpenak euskaraz eta gaztelaniaz daude.

Aisa ikastaroari ekiteko nahikoa da HABEren www.ikasten.ikasbil.net atarira jotzea eta bertan Aisa atalean sartzea. Atal honetan daude ikastaroko material guztiak eta horietan klik eginez gaiak eta ariketak banan-banan betetzen has daiteke erabiltzailea