Etiketaren artxiboa: arauak

Hiru euroko gozokiak / hiru euroren gozokiak

Utzi erantzuna

Itxuraz antzekoak izan arren, ezberdinak dira esanahiari dagokionez.

     Item hauen bidez saiatuko gara bi sintagma hauen arteko aldea ikusten.

1. “Hiru euro balio du gozoki bakoitzak”. Bietako zeinek adierazten du ideia hau?
a) Hiru euroko gozokiak
b) Hiru euroren gozokiak

 

2. “Hiru euroren truke eros daitekeen gozoki kopurua”. Bi sintagmetako zeinek adierazten du ideia hau?
a) Hiru euroko gozokiak
b) Hiru euroren gozokiak
 
3. Gasolindegira joan eta berrogei euroren truke eros dezakedan adina gasolio nahi dut. Nola eskatuko diot zerbitzariari?
a) Berrogei euroko gasolioa, mesedez.
b) Berrogei euroren gasolioa, mesedez.

 

Argi ez baduzu zein diren erantzun zuzenak, jarrai ezazu posta irakurtzen.

Jarraitu irakurtzen →

Okerra: *egitura hau okerra delaren susmoa dut.

Utzi erantzuna

Euskaraz, testuinguru bakar batean ere ez da zuzena -laren egitura. Hortaz, susmoa bakarrik ez, ziurtasun osoa izan behar dugu. Esaldi hau eta hau bezalakoak erabat okerrak dira: *Egitura hau okerra delaren susmoa dut.

Hiru aukera hauek behintzat baditugu esaldi hori zuzen emateko:

a) Egitura hau okerra den susmoa dut.

b) Egitura hau okerra delako susmoa dut.

c) Susmoa dut egitura hau okerra dela.

Jarraitu irakurtzen →

Euskaltzaindiaren webgunea

2 erantzun

Ezinbesteko kontsulta iturria dugu hau. Euskaltzaindiak hainbat zerbitzu eta material jarri ditu denondako eskuragarri bere webgunean: www.euskaltzaindia.net. Post honetan batzuen berri soilik emanen dugu, luzeegi joko baitu bestela: Arau eta gomendioak, Hiztegi Batua, Jagonet kontsulta zerbitzua, Onomastika (izendegiak), Literatura terminoen hiztegia. Ezagutzen ez badituzue, animatu eta proba itzazue.

Jarraitu irakurtzen →

Euskaltzaindiaren arauak: “Araugintza”

Utzi erantzuna

EIBZren webgunean, Baliabideak atalaren barnean, Araugintza izeneko argitalpena daukagu.

Hainbat urtetan Euskaltzaindiaren Araugintza I eta Araugintza II ikastaroak antolatu ditugu EIBZn, eta bi ikastaro horien bilduma da material hau, Interneterako egokitua jakina.

araugintza I Araugintza I                                                          araugintza II Araugintza II

Jarraitu irakurtzen →

C letra

Utzi erantzuna

Zenbaiten ustez, “C” (ze) letra ez da euskal alfabetoko letra. Uste okerra da hori.

Euskaltzaindiaren 17. arauan, Euskal alfabetoaren letren izenak deiturikoan, zehaztuta daude euskal alfabetoa osatzen duten letrak, eta C ere hor dago. Ze du izena.

Arauan, alfabetoaren 27 letren zerrenda osoa eta izenak eman ostean, ohar hau txertatu dute Euskaltzaindikoek: “Letra hauetatik c eta honen aldaera ç (c hautsia), q, v, w, eta y ohiko euskal hitzak idazteko erabiltzen ez diren arren, kanpotar izenak transkribatzeko beharrezkoak direlarik, euskal alfabetoan sartzen dira”.

Jarraitu irakurtzen →