Galdera:

Nola landu dezaket ahozkotasuna LHn? Eskerrik asko.

Erantzuna:

Txikiekin, batez ere, gehien erabiltzen direnak: ipuinak, jolasak eta kantak izaten dira. Behin eta berriro ipuinak errepikatu, antzeztu…; jolasen bidez elkarreragina lortzen da eta esamolde asko ikasten dituzte. Kantekin gauza bera. Horretarako oso material onak dira Urtxintxaren “Haur jolasen abestiak”, “Euskal jolasen bilduma”, etab.

Ahozkotasuna lantzerakoan bi aspektu hauek landu eta baloratu behar ditugu:
– Entzundakoaren ulermena
– Mintzamena

Mintzamena lantzeko Lehen Hezkuntzarako Erein-ek argitaratutako materiala: “Ahozko Hizkuntza lantzeko txartelak LH 1. eta 2“. Egilea: Rosa Mari Arano. Material interesgarria da.

Entzundakoaren ulermena lantzeko EIBZko webgunean baditugu ariketa batzuk, zikloka antolatuta daude. A eta D eredurako pentsatuak dira. Artxiboak ordenagailura jaitsi ahal dira.

Irakasleendako bibliografian, EIBZko webgunean, eskolan izateko liburu interesgarrien zerrenda bat daukagu.

Ongi izan eta nahi duzun arte.

Data: 2008/11/03