“Camisa de once varas”

Galdera:

Nola itzul dezaket “camisa de once varas” esamoldea?

Erantzuna:

Aukera bat baino gehiago dago esamolde hori itzultzeko. Intza proiektua deituriko webgunean euskal lokuzioak bilatzeko aukera daukagu eta hauexek dira goian aipaturiko esamoldea itzultzeko eskaintzen dizkigun ordainak:

  • Besteren mahaian agindu
  • Auzoko ateak(k) ixtera joan
  • Besteren bodara joan
  • Hamaika kanatako kamisan sartu
  • (Inoren) praketan sartu
  • Zazpi baratako atorran sartu.

Ordain bakoitzaren erabilera eta adibideak ikusteko webgunean sartu beharko duzu edota Koldo Izagirreren Euskal Lokuzioak liburua kontsultatu. Hala ere, bat kontsultatzekotan, hobe duzu webgunea begiratzea liburua baita beronen abiapuntu eta oinarria, baina osagarri garrantzitsuz hornitua. Alde batetik, liburu hartan bilduriko materiala ikuskatu, zuzendu eta txukundu egin dute, eta, bestetik, sarrera eman zaie han eta hemen ahozko jardunetik eta idatzizko hainbat iturritatik jasoriko lokuzioei.

Informazio iturriak:

Intza proiektua

Mokoroa, Justo: Ortik eta Emendik (1990)

Izagirre, Koldo, 1981, Euskal lokuzioak, Donostia: Hordago.

Data: 2005/01/17

Kategoria Itzulpenak, etiketak , egilea .

Honi buruz: EIBZ

EIBZ edo Euskararen Irakaskuntzarako Baliabide Zentroa Nafarroako Gobernuaren Hezkuntza Departamentuko zentro ofiziala da, Hizkuntzen eta Arte Ikasketen Zerbitzuko Euskara Atalaren mendekoa. EIBZk hiru atal nagusi ditu eta ongi zehazturiko helburuak eta eginkizunak: a) Prestakuntza arloa: Euskara maila eguneratzeko eta hobetzeko ikastaroak ematea. Euskarazko ikastaroak diseinatzea eta ikastaro berriak proposatzea. Irakasleei ikasmaterialak euskaraz sortzeko aholkuak ematea eta sortzen laguntzea. b) Hizkuntz Egiaztapen eta Zuzenketaren arloa: Nafarroako Gobernuaren EGArako probak prestatzea. Irakasleei euskararen gaineko kontsulta zerbitzua eskaintzea: oinarrizko hezkuntza terminologia, hizkuntza arauak, kalitatezko testuak, baliabide didaktikoak. Lankidetza hitzarmenak sustatzea euskarazko hizkuntza baliabideak jaso, hedatu eta erabili nahi dituzten ikastetxeekin. c) Informazioaren eta Baliabideen arloa: Euskararen irakaskuntzari lotutako fondo dokumentala, bibliografikoa eta teknologia berrien gainekoa sortzea eta eguneratzea. Baliabide Zentroko fondo bibliografikoak, ikus-entzunezkoak eta informatikoak zaintzea, sailkatzea eta eguneratzea. Baliabide Zentroaren webgunea sortzea eta eguneratzea. Helbidea: Zubiarte kalea, 13 Uharte - 31620 Nafarroa

Utzi erantzuna

Zure e-posta helbidea ez da argitaratuko.