Galdera

“Ebaluaketa eta errekuperaketa” hitzak ez al dira”oposaketa” bezala? Ala “ebaluazioa” eta “errekuperazioa” esan behar dugu?

Erantzuna

Euskara baturako Euskaltzaindiak ebaluazio eta oposizio eman ditu ontzat. Hiztegi Batuan horiek agertzen dira:

• ebaluazio

• oposizio

Bestalde, ebaluaketa kontsultatuta, izartxoa jarri diotela ikusten dugu; horrek esan nahi du txartzat ematen dutela, eta, gainera, ebaluazio erabiltzeko diote.

• ebaluaketa* e. ebaluazio

Hiztegi Batuan ez dituzte jaso ez “errekuperaketa” ez “errekuperazio”.

Elhuyar hiztegian, ordea, errekuperazio jaso dute, eta hezk. oharra jarri diote. Hau da Hezkuntzako terminotzat hartu dute.

• errekuperazio

Internet sarean dagoen Hezkuntzako Hiztegian ere errekuperazio dator:

• Gaia: Hezkuntza

• eus – errekuperazio
  cas – recuperación

Hau guztia kontuan izanik, logikoena da guk ere errekuperazio ematea ontzat, eta ez errekuperaketa.