Fuente hitzaren ordaina, informatika arloan

Galdera:

Nola esaten da euskaraz fuente, ordenagailuetako formatuaren barruan agertzen dena, alegia?

Erantzuna:

Letra-tipo terminoa erabiltzen da, hitz orokor gisa. Esaterako: “fuente de impresora”: inprimagailuko letra-tipo; “formato de fuente”: letra-tipoaren formatu.

Tamaina zehazki aipatzeko letra-tamaina hitza ere badugu, baina, noski, ez da bestea bezain orokorra. Beraz, letra-tipo hitza da letra mota eta tamaina batera aipatzeko baliatu behar dugun terminoa.

“Fuente” hitzaren bestelako adierak ere aurkitu ahal dituzu Euskaltermen: “fuente de datos”: datu-iturburua).

Informazio iturria: Euskalterm (Terminologia Banku Publikoa).

Data: 2005/03/14

Kategoria Itzulpenak, etiketak , egilea .

Honi buruz: EIBZ

EIBZ edo Euskararen Irakaskuntzarako Baliabide Zentroa Nafarroako Gobernuaren Hezkuntza Departamentuko zentro ofiziala da, Hizkuntzen eta Arte Ikasketen Zerbitzuko Euskara Atalaren mendekoa. EIBZk hiru atal nagusi ditu eta ongi zehazturiko helburuak eta eginkizunak: a) Prestakuntza arloa: Euskara maila eguneratzeko eta hobetzeko ikastaroak ematea. Euskarazko ikastaroak diseinatzea eta ikastaro berriak proposatzea. Irakasleei ikasmaterialak euskaraz sortzeko aholkuak ematea eta sortzen laguntzea. b) Hizkuntz Egiaztapen eta Zuzenketaren arloa: Nafarroako Gobernuaren EGArako probak prestatzea. Irakasleei euskararen gaineko kontsulta zerbitzua eskaintzea: oinarrizko hezkuntza terminologia, hizkuntza arauak, kalitatezko testuak, baliabide didaktikoak. Lankidetza hitzarmenak sustatzea euskarazko hizkuntza baliabideak jaso, hedatu eta erabili nahi dituzten ikastetxeekin. c) Informazioaren eta Baliabideen arloa: Euskararen irakaskuntzari lotutako fondo dokumentala, bibliografikoa eta teknologia berrien gainekoa sortzea eta eguneratzea. Baliabide Zentroko fondo bibliografikoak, ikus-entzunezkoak eta informatikoak zaintzea, sailkatzea eta eguneratzea. Baliabide Zentroaren webgunea sortzea eta eguneratzea. Helbidea: Zubiarte kalea, 13 Uharte - 31620 Nafarroa

Utzi erantzuna

Zure e-posta helbidea ez da argitaratuko.