Hesiez haratago

Galdera

Kaixo:

“Hesiez haratagoko” gaztelaniaz “más allá de” esateko egokia ote den galdetzen dut.

Mila esker

Erantzuna

Hiztegi batuan, “más allá de” aditzondoaren ordaintzat “harago” agertzen da. Hiztegi batuak “harat” ere jaso du; beraz, “haratago” bertan jarri ez badute ere, zuzena dela esan daiteke: oinarritzat “hara” hartu beharrean “harat” hartzen bada, “haratago” sor dezakegu.

Ondorengo loturan ikus ditzakezu adibideak testuinguruan:

harago (Ereduzko Prosa Gaur)

Zuk emandako adibidean, -ko atzizkia gehituta, izenlagunaren funtzioa betetzen du, eta izen bat behar du ondoren, “Hesiez haragoko etxea”, esaterako. Aurretik duen izenaren kasua instrumentala da, baina ablatiboa ere erabil daiteke:

[…] munduko miseria guztietatik haragoko atseden-tokia […] (Xabier Mendiguren Elizegi, Errautsen distira, Elkar, 2002, 49 or.).

Ikus adibide gehiago ondorengo loturetan:

haragoko (Ereduzko Prosa Gaur)

haratagoko.

Atala Itzulpenak, etiketak , , , egilea .

Honi buruz: EIBZ

EIBZ edo Euskararen Irakaskuntzarako Baliabide Zentroa Nafarroako Gobernuaren Hezkuntza Departamentuko zentro ofiziala da, Hizkuntzen eta Arte Ikasketen Zerbitzuko Euskara Atalaren mendekoa. EIBZk hiru atal nagusi ditu eta ongi zehazturiko helburuak eta eginkizunak: a) Prestakuntza arloa: Euskara maila eguneratzeko eta hobetzeko ikastaroak ematea. Euskarazko ikastaroak diseinatzea eta ikastaro berriak proposatzea. Irakasleei ikasmaterialak euskaraz sortzeko aholkuak ematea eta sortzen laguntzea. b) Hizkuntz Egiaztapen eta Zuzenketaren arloa: Nafarroako Gobernuaren EGArako probak prestatzea. Irakasleei euskararen gaineko kontsulta zerbitzua eskaintzea: oinarrizko hezkuntza terminologia, hizkuntza arauak, kalitatezko testuak, baliabide didaktikoak. Lankidetza hitzarmenak sustatzea euskarazko hizkuntza baliabideak jaso, hedatu eta erabili nahi dituzten ikastetxeekin. c) Informazioaren eta Baliabideen arloa: Euskararen irakaskuntzari lotutako fondo dokumentala, bibliografikoa eta teknologia berrien gainekoa sortzea eta eguneratzea. Baliabide Zentroko fondo bibliografikoak, ikus-entzunezkoak eta informatikoak zaintzea, sailkatzea eta eguneratzea. Baliabide Zentroaren webgunea sortzea eta eguneratzea. Helbidea: Zubiarte kalea, 13 Uharte - 31620 Nafarroa

Utzi erantzuna

Zure e-posta helbidea ez da argitaratuko. Beharrezko eremuak * markatuta daude