“Jolastuko DUGU” ala “Jolastu GARA”?

Galdera

Hau da nire zalantza: “Jolastuko dugu” edo “Jolastuko gara”? Nik beti “Jolasten dugu” esan izan dut eta orain, nire alabaren pailazoen CDan, “Jolasten gara” entzuten dut. Beti gaizki esan izan dut?

Erantzun

Ba, pailazoek arrazoi dute! Jolastu aditza NOR kasuarekin erabiltzen da. Hala heldu da Hiztegi Batuan:

jolastu, jolas/jolastu, jolasten. da ad.

Beraz, jolasten naiz, gara, zara… Gauza bera gertatzen da beste aditz batzuekin, esate baterako: borrokatu gara, entrenatu gara, dantzatu gara (baina aurreskua dantzatu dut)…

Hala ere, JOLAS EGIN motako aditzak erabiliz gero, hau da, izena + egin egiturako aditzak, DU motako adizkiak erabiliko ditugu beti: jolas egin dugu, dantza egin dugu, borroka egin dugu

Adibide gehiago aurkituko duzu Araugintza Ikastaroaren orri honetan: zenbait aditzen erregimena.

Atala Hizkuntza, etiketak , , egilea .

Honi buruz: EIBZ

EIBZ edo Euskararen Irakaskuntzarako Baliabide Zentroa Nafarroako Gobernuaren Hezkuntza Departamentuko zentro ofiziala da, Hizkuntzen eta Arte Ikasketen Zerbitzuko Euskara Atalaren mendekoa. EIBZk hiru atal nagusi ditu eta ongi zehazturiko helburuak eta eginkizunak: a) Prestakuntza arloa: Euskara maila eguneratzeko eta hobetzeko ikastaroak ematea. Euskarazko ikastaroak diseinatzea eta ikastaro berriak proposatzea. Irakasleei ikasmaterialak euskaraz sortzeko aholkuak ematea eta sortzen laguntzea. b) Hizkuntz Egiaztapen eta Zuzenketaren arloa: Nafarroako Gobernuaren EGArako probak prestatzea. Irakasleei euskararen gaineko kontsulta zerbitzua eskaintzea: oinarrizko hezkuntza terminologia, hizkuntza arauak, kalitatezko testuak, baliabide didaktikoak. Lankidetza hitzarmenak sustatzea euskarazko hizkuntza baliabideak jaso, hedatu eta erabili nahi dituzten ikastetxeekin. c) Informazioaren eta Baliabideen arloa: Euskararen irakaskuntzari lotutako fondo dokumentala, bibliografikoa eta teknologia berrien gainekoa sortzea eta eguneratzea. Baliabide Zentroko fondo bibliografikoak, ikus-entzunezkoak eta informatikoak zaintzea, sailkatzea eta eguneratzea. Baliabide Zentroaren webgunea sortzea eta eguneratzea. Helbidea: Zubiarte kalea, 13 Uharte - 31620 Nafarroa

Utzi erantzuna

Zure e-posta helbidea ez da argitaratuko. Beharrezko eremuak * markatuta daude