Jadoulen hamabi

Imanol Mercero / 2013-04-28 / 180 hitz

  • Izenburua: Sua, suhiltzaileak!
  • Egilea: Emile Jadoul
  • Ilustratzailea: Emile Jadoul
  • Itzultzailea: Jose Antonio Sarasola
  • Argitaletxea: Ibaizabal

Berriki argitaratu dira Jadoulek sinatutako Sua, suhiltzaileak! eta Bihotz-bihotzetik! albumak, Ipurtargi sailean, ohiko formatuan, kartoizko orriak dituzten album etzanetan. Eta egile belgikar honi dozena bat lan euskaratua dioten honetan, begiratu orokor bat egingo diogu.

Jadoulen orain arteko obran animalia gizatiartuak izan dira nagusi, eta pertsonak, daudenean, haurrak izaten dira. Kontraste handiko eszenak sortzen ditu, kolore biziekin margotuak, marra lodiz inguratutako elementu gutxi batzuekin eta atzealde soilekin. Kontaketaren haria daramaten ekintzak ziklikoak izaten dira, alegia, behin eta berriz errepikatzen diren eszenak, amaierako korapilo askatzea gertatu arte. Txikienekin hari narratibo erabat apala josten du, eta, irakurlearen adinean gora egiten duen neurrian, eszenak kopuruz murriztu eta ñabarduraz aberastuta agertzen dira. Adibide parea jartzearren, BERRIAko gure hemerotekan badugu Jadoulek txikienentzako sortutako Kili-kili (2012-07-01) eta koxkorragoentzako Oilobustia (2009-04-12).

Ezaugarri hauek egile gehiagotan agertzen dira, hala nola Guido Van Genechten eta Liesbet Slegers belgikarrarengan (Txomin, Katalin,…), bai eta Jo Lodge (Kroko) britainiarrarengan. Badira mekanika bat eta estereotipo batzuk, txikienentzako literaturan ezarrita daudenak. Agian, sorpresarako eta umorerako gaitasunak bereizten du Jadoul gainerakoengandik.

Utzi erantzuna

Zure e-posta helbidea ez da argitaratuko.