Skitch, argazki pusketak pixelatu eta zentsuratzeko era

Aitor Aretxaga / 2014-02-19 / 88 hitz

Tentuz ibili behar da sarean partekatzen diren argazkiekin. Kargatu aurretik arduratzeko kontua da, gero berandu delako. Datu pertsonalak ager daitezke, baina baita jende ezezaguna eta haurrak ere. Sareko pribatutasuna pil-pilean dabil orain, eta begirune bera zor zaio norbere segurtasunari zein besteenari. Batez ere, araubideak zigorrak aurreikusten baditu.

Eragozpen horiek saihesteko modu bat da Skitch aplikazioa. Erabilerraza eta doakoa da, eta iPhone, Android eta Windows Phone telefonoetan dago eskuragarri gaur egun. Argazki bateko parteak lausotu edo pixela daitezke, horiek desitxuratuz. Azkenik, zuzenean amaraunean partekatzeko hainbat zerbitzutarako lasterbideak eskaintzen ditu.

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude