Sakelakoa kalean bertan kargatu daiteke Donostian

eitb.eus / 2016-08-12 / 196 hitz

Aldi berean lau telefono edo tableta kargatu daitezke. Halaber, zerua estalita egongo balitz, arazorik gabe erabili ahal izango liteke.

Herritar gehienek sakelakoa erabiltzen dute uneoro, baina horrek duen eragozpen handienetariko bat bateria agortzea da. Arrazoi horregatik, eguzki-kargagailu bat instalatu dute Donostian, sare elektrikora konektatu beharrik ez duena. Aldi berean, lau telefono edo tableta kargatu daitezke.

Eguzki-kargagailua diseinua egiteko orduan, zuhaitz batean inspiratu dira, elementu ekologiko garrantzitsu bezala, Donostiako Udalak azaldu duenez. Egitura hasteko, metalezko zilindroa (enborra), bi eserleku eta masta inguratzen duen mahaia jarri dira (eraztun edo hirusta eran). Goiko aldean aterki zirkular zeharrargia jarri da, eta horren gainean panel fotovoltaikoa aurkitzen da.

Gainera, denborarik gehiena eguzki-erradiazioaren aurrean aurkitzen denez, bateria erabat kargatuta egongo da; berriz kargatzeko 24 orduko autonomia baitu. Era berean, bandalismoaren aurkako diseinua du, eta mugikortasun murriztuko pertsonentzat egokituta dago.

Eguzki-energia fotovoltaikoa transformatzeko, eguzki-panela erabiltzen da energia elektrikoan, eta gailu mugikorrak kargatzeko aprobetxatzen da USB ataken bidez. Energia hori bateria batzuetan gordetzen da, pilatuta mantentzearren; hortaz, sistema horrek inolako arazorik gabe erabili daiteke eguraldi txarra egiten duenean, gauez edo zerua estalita dagoenean.

SmartKalea proiektuaren helburua da, era horretako ekimenen bidez, ondorengoak sustatzea: iraunkortasuna, berrikuntza teknologikoa, energia-eraginkortasuna, herritarren parte-hartzea, hiriko garapen ekonomikoa eta gardentasuna, teknologia berritzailea erabiliaz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude