Egilea: Xabier Mendiguren Elizegi
Ilustratzailea: Ainara Azpiazu
Argitaletxea: Elkar
Urtea: 2014
ISBN: 978-84-9027-128-5
R: 7773
Karolina Potolina printzesak bazuen ezaugarri bat, munduko printzesa guztien artean berezia egiten zuena: txizontzi bat zen, beti eta nonahi pixa egin behar izaten zuena, eta horrek hainbat arazo sortzen zizkion: txikitan, jolasten edo ikasten ari zenean; eta berdin handitu zenean eta Erresumako ardurak hartu behar izan zituenean: militarren desfileetan, dantzaldi dotoreetan, ministro eta abarrekin egiten zituen bileretan, beste zeregin guztiak utzi eta txiza egitera joan behar zuen, lasterka eta korrika. Zer egin? Nola konpondu arazo hori, konponbiderik baldin bazeukan?