Eskeine Legorburu / 2015-11-10 / 464 hitz
Hiru aste barru hasiko da Parisen klima aldaketari buruzko COP21 goi bilera. Historikotzat jo dute, bertan zehaztuko baitituzte berotegi efektua geldiarazteko neurriak. Asmoa argia da: 2100 urterako planetaren beroketa 1,5 eta 2 gradu artekoa izatea. Adituen arabera, neurririk hartu ezean hiru eta lau gradu artean egingo du gora tenperaturak. CO2 isuri igarpenek goia dute eta Munduko Meteorologia Erakundeak alarma guztiak piztu ditu. gasen isuria gelditu ezean, ondorioak «oso kezkagarriak» izan daitezkeela ohartarazi du.