Idurre Eskisabel / 2015-10-29 / 465 hitz
Irrati jator batean kritikotasun eraldatzailearen goia jotzeko lehian dabiltza bi solaskide. Sistemaren eta, bereziki, sistemak alienatutako jendeen aurka ari dira egurrean, nor baino nor gehiago. Erraietaraino asaldatu ditu nonbait Madrilen berriki gertatutakoak: arropa merke saltzen duen kateatzar multinazional batek bost solairuko megadenda distiratsua ireki du kale nagusian, eta «kapitalismoaren tenplutzarra» gutxi balitz bezala, txarrena omen jendea saldoka joan dela erostera. Hainbeste, eze segurataz hesituta barrura sartzeko txandak egin behar izan dituzte gainezkatzerik gerta ez dadin.