Nik norekin nola

Irakaslearentzako argibideak

Jarduera honen helburuak:

Taldea

  • Ikasleek lagunekin, tuentin… hizketan ari direnean zer hizkuntza erabiltzen duten ohartzea.
  • Ikasleek euskara ala gaztelania hautatzen dutenean erabaki bat hartzen ari direla ohartzea.
  • Erabaki hori aldatzeko aukera dutela ohartzea.

Joko honen bidez, ikasleei hausnarketa egiteko eskatuko diegu. Sortutako hausnarketa sozializatu eginen da. Oso garrantzitsua da irakasleak ariketa iritzirik edo epairik eman gabe bideratzea, hau da, zer den ongi edo gaizki dagoena nabarmendu gabe egitea.

Jarraitu irakurtzen

Aztarna linguistikoa I

Irakaslearentzako argibideak

Ariketa honen bidez ikasleari aukera eman nahi diogu dituen hizkuntza ohiturei buruz hausnartzeko. Aztarna linguistikoa kontzeptuak lotuta dauka hiztun orok euskararen zabalpen sozialarekiko duen erantzukizunaren ideia, baina ez ditugu ikasleak errudun sentiarazi behar euskara gutxitan erabiltzen badute.

Lehenik, ikasleak bakarka beteko du galdetegia. Eta gero, taldeko eztabaida bideratuko du galdetegia betetakoan bururatu zaizkien eta izan dituzten sentimenduak elkarri kontatzeko.

Jarraitu irakurtzen

Aztarna linguistikoa II

Irakaslearentzako argibideak

Ikasle bakoitzak, lehenik, ariketa bakarka egin behar du. Eta gero, taldeka emaitzaren inguruan hausnartu.

Ariketa honen helburua da: euskara Institutuan soilik erabiltzen badute, euskarak haien bizitzan hartzen duen espazio mugatuaz ohartzea.

Erabileraz jabetzea nahitaezkoa baita erabilera aukera berriak irudikatzeko. Horrela, arlo bakoitzean euskaraz egiteko aukerak handitu daitezke-eta.

Jarraitu irakurtzen