Irakurle horiek,

Buletin honekin 2008-2009 ikasturteari hasiera emanen diogu. Oporrak pasatuta hemen gaude berriro, indarberrituta; aurrean ditugu ikasturteko hamar hilabeteak, lan eta gogoz beterik. Hauexek dira gure lehenengo proposamenak:

• 290/2008 Ebazpenaren bitartez, ekainaren 18koa, euskaraz birziklatzeko ikastaro trinko bat lan baimenarekin A modalitatean egiteko deialdi berezia onesten da, Nafarroako Gobernuko Hezkuntza Departamentuko irakasleei zuzenduta. Helburua Euskaraz irakasteko gai izatea eta EGA agiria eskuratzea izango da.
  Horretarako ematen den epea: 2009ko otsailetik 2010eko ekainera.
  Izangaiek helduei euskara irakasteko curriculumaren A2 mailari dagokion sarrera proba gainditu beharko dute (4. urratsa edo Hizkuntza Eskola Ofizialeko oinarrizko 2. mailaren parekoa).
  Izena emateko epea irailaren 1etik 30era izanen da.
  Eskertuko genizueke informazioa interesa izan dezaketen irakasleei jakinaraztea. Mila esker.
  
• EGA ziurtagiriaren bigarren deialdiko probak laster izango dira. Hilaren 6an egingo da Atarikoa.
  
• Irakasleen Euskarazko Prestakuntza Plana martxan da. 2008/2009 ikastaroaren lehenengo aldiko ikastaroetan izena emateko epea hilaren 30 arte irekita dago. Izen-ematea on line egin daiteke estreinako aldiz.

Beno, besterik ez oraingoz. Ikasturte hasiera ona izan eta, krisi ekonomikoaren baimenaz, hemen izango gaituzue.

Eskerrik asko zuen arretagatik.

Ongi izan.

Euskara Ataleko eta EIBZko kideak.

Hezkuntza Departamentuak Nafarroako aniztasunaren artapena arautu du
(Asteazkena, 2008ko abuztuaren 20a)

Nafarroa da Zerbitzu horretako prozedurak, baliabideak eta neurriak arautu dituen lehenengo autonomia erkidegoa.
Hezkuntza Departamentuak Foru Agindu bat landu du (93/2008 Foru Agindua, ekainaren 13koa), Nafarroako ikastetxeetako aniztasunaren artapena arautzeko. Garrantzi handiko araudia da, eta funtsezko lorpenak ahalbidetzen ditu: hainbat arau solte indargabetzen eta elkartzen ditu; Nafarroan Hezkuntza Berezirako erabiliko diren oinarriak, eskolatze prozesuak eta baliabideak zehazten eta sistematizatzen ditu, estreinakoz; baliozkotasun ofiziala ematen die arautu gabeko programa batzuei; portaera eta egokitzapen arazoak dituzten DBHko ikasleentzako Curriculum Egokituaren Unitateak arautzen ditu; eta Departamentuari ahalmena ematen dio eskola absentismoaren aurka borrokatzeko programa berriak diseinatzeko. (...)

Euskarabideak Nafarroako euskararen egoera soziolinguistikoari buruzko azterlan bat agindu du
(Asteazkena, 2008ko abuztuaren 27a)

Urtea amaitu baino lehen, azterlanaren emaitzak Parlamentuan aurkeztea aurreikusten dute.
Euskarabideak Nafarroako Foru Komunitateko euskararen egoera soziolinguistikoari buruzko inkesta soziolinguistikoa egiteko agindu dio, berriki, Ikertalde enpresari. Azterlanak 52.780 euroko kostua du (BEZa barne).
Izan ere, Euskarari buruzko 18/1986 Foru Legean xedatuta dagoenari jarraiki, Nafarroako euskararen egoera soziolinguistikoari buruzko azterlanak egin behar izaten dituzte aldian behin, eta Nafarroako Gobernuak horien berri Parlamentuari eman behar izaten dio. Azkeneko azterlana 2003an egin zuten, "Euskarari Buruzko Ikerketa Soziolinguistikoa Nafarroan. 2003. Hizkuntza gaitasuna, erabilpena eta jarrerak" izenburuarekin. (...)

UEU 36. Udako Ikastaroen berriak.

AILA 2008: Multilingualism: Challenges&Opportunities

Berriak

Euskara ikasteko ikastaro estensiboak. Epea: irailaren 12 arte.

290/2008 EBAZPENA, ekainaren 18koa, Antolamenduaren, Kalitatearen eta Berrikuntzaren zuzendari nagusiak emana, euskaraz birziklatzeko ikastaro trinko bat lan baimenarekin A modalitatean egiteko deialdi berezia onesten duena, Nafarroako Gobernuko Hezkuntza Departamentuko irakasleentzat

MEC: Ayudas para el establecimiento de agrupaciones de centros educativos de distintas Comunidades Autónomas para la realización y puesta en práctica de proyectos comunes. Epea: Urriaren 15 arte.

Deialdiak

EIBZ-k Irakurketa gidak eguneratu ditu. Adin edo mailaren arabera sailkatuta daude eta liburu bakoitzaren aipamena kontsulta daiteke.
Bi talde nagusitan banatuta daude liburuak:
- Haur eta Gazte Literatura liburuak
- Ezagutza liburuak

Uharteko Virgen Blanca IP: Virgen Blancatik mundura

Euskara Atala
Eskolako Hizkuntza Plangintzaren Zerbitzua
Sto. Domingo aldapa, 8
31001 Iruñea
Tel.: 848426613
Faxa: 848426052

EIBZ
Zubiarte, 13
31620 Uharte
Tel.:948361093
Faxa: 948361092

Zeu berriemaile:

eibz@pnte.cfnavarra.es