Derrigorrez musurik ez

Ipuina ez sexista

Liburu honen helburua, hezkuntzaren bidez, adin txikikoekiko sexu bortizkeriaren prebentzioan laguntzea da.

Liburu honetan musu mota ezberdinak agertzen dira. Bertan afektibitatea ematearen alde positiboa azpimarratzen da eta, beste aldetik, umearen eskubidea afektibitate hori jasotzeko.

Asertibitatea: pertsona guztiok ez esateko eskubidea daukagu, haurrak baita ere. Haurrei argi utzi behar diegu gustuko ez duten musuen, laztanen, besarkaden...aurrean, hauek ukatzeko eskubidea dutela, ezetz esan dezaketela beraientzako desatsegina eta erasokorra baldin bada. Horretarako, hezitzaileon papera ezinbestekoa da, gu izan behar baikara gai hauek planteatu behar ditugunak.