Diamantezko miraria

DBH 2. zikloa

Gaia: bidaia, abentura, maitasuna, boteretsuen kontrako borrokak.

Martinek, mutikotan aitarik gabe geratu zenean, nekez susmatuko zuen bere bizitzak izango zuen aldaketa: bizimodua irabazi beharrez, etxekoak utziko ditu, baita Ondarroa ere, bere sorterria. Beiragile jakintsu batengana joango da, Durangora, baina bidaia luze eta misteriotsuago batera abiatuko da laster, Galizia alderantz.

XVIII. mende hasieran kokatutako nobela historiko eder bat idatzi du egileak, irakur-gai gozagarria izateko osagai guztiak dituena: abentura, misterioa, bidaia, amodioa... Bestalde, Kaiet Bengoetxearen marrazkiek jantzi eta hornitzen dute istorioa.