Perraulten ipuinak

8 urtetik aurrera

Liburu honen orrialdeetan barrena abiatzen den irakurleak XVII. mendean CHARLES PERRAULT-ek bere herriko tradiziotik jasotako ipuinik ezagunenak aurkituko ditu bertan bildurik: izango du parada Katu botadunaren trikimailuak ezagutzeko, sarritan entzun duen Txanogorritxoren istorioa bere kabuz irakurtzeko, Erpurutxoren istorioarekin hunkitzeko..., Marierrauskin, Basoko loegile ederra eta beste ahaztu gabe, den-denak hamaika oihartzun mitiko dauzkan euskerara ekarriak.
Norberak irakurri edo beste bati ahoz kontatzeko betiko ipuinok, gainera, GUSTAVE DORÉren grabatu paregabeez lagundurik ageri dira liburu honetan.