EIBZ - A EREDUA

A eredurako materialak: 2008-2009

Haur hezkuntza

Aurreko ikasturtean sailkatutako eta sortutako materialek nolabaiteko jarraipen bat izateko, aurten Haur Hezkuntzako material osagarria prestatzen hasi gara.

A eredua: material didaktikoen lanketa Haur Hezkuntza izeneko ikastaroan 1. eta 2. hiruhilekoan sortutako eta antolatutako materiala:

• Audioak: Errutinak lantzeko egokiak. Hitzarekin batera, audioa ere entzuteko aukera dago. Audioak HHko A ereduko ikasleek grabatu dituzte.
• Jolasak: 10 gairen inguruan sailkatutako HHko adin guztietarako jolasak.
• Kantak: HHko hainbat kantaren inguruko jarduera-proposamenak. Kanten audioak EIBZn eskuragarri izango dituzue.
• Antzerkitxoak: HHko maila bakoitzeko bina antzerki: ipuina eta gidoia.
• Arauak: Gelako arauak euskaraz barneratzeko zenbait irudi. Irudi horiek oinarritzat hartuta, norberak bere gelakoak egin ditzake.
• Ahozko hizkuntza lantzeko txartelak: Hainbat hizkuntza egitura hobeto barneratzeko irudiak eta horiek erabiltzeko azalpena. Irudiak EIBZn eskuragarri dituzue.
• Osagarriak: Gai askotariko bingoak, dadoak, dominoak, fitxak, irudiak eta zibak. EIBZn eskuragarri dituzue.