Ipuin tradizional bat sortu

Komenigarria da lehenago aipatu ditugun Propp-en egiturekin jardutea, ahozko tradiziotik hartutakoa dela dirudien ipuina sortzeko. Ipuin tradizionalaren funtzioak ikusi eta gero, ikasleei ustezko euskal ipuin tradizional bat idazteko eskatuko diegu. Horretarako, euskal ahozko tradizioan agertzen diren pertsonaietako bat aukera dezakegu, hala nola, Basajaun, Tartalo, lamiak, Pernando Amezketarra...

Ikasleei ipuina sortzeko eskema hau emanen diegu, Proppen funtzioetan oinarritua:

	Hasierako egoera
	Familiako norbait etxetik doa
	Protagonistari zerbait egitea debekatzen zaio
	Heroiak emailearekin topo egiten du eta honek froga bat egiten dio
	Heroiak froga gainditzen du
	Horren ondorioz, heroiak zerbait magikoa eskuratzen du
	Heroiaren eta gaizkilearen arteko borroka
	Heroia irabazle ateratzen da borrokatik
	Heroia herrira itzultzen da

(EUSKAL IDAZLEEN ELKARTEA. Ipuina lantzeko gida. EIE argitaletxea)