{"id":12457,"date":"2016-01-27T09:18:06","date_gmt":"2016-01-27T09:18:06","guid":{"rendered":"http:\/\/eibz.educacion.navarra.es\/blogak\/liburutegia\/?p=12457"},"modified":"2016-01-27T09:38:21","modified_gmt":"2016-01-27T09:38:21","slug":"ezer-ez-duenari-ordainarazi","status":"publish","type":"post","link":"https:\/\/eibz.educacion.navarra.es\/blogak\/liburutegia\/2016\/01\/ezer-ez-duenari-ordainarazi\/","title":{"rendered":"Ezer ez duenari ordainarazi"},"content":{"rendered":"

Adrian Garc\u00eda \/ 2016-01-27<\/span> \/ 532 hitz<\/a><\/p>\n

T<\/span>radizionalki asilo eskatzaileen eskubideak errespetatu dituen lurraldea izan da Europa iparraldea. Baina eskuin muturrak gora egin ahala, joera hori desagertu egin da. Danimarkak atea kolpez itxi die errefuxiatuei, haien eskubideak murrizten dituen lege bat onartuta. Parlamentuak atzo onartu zuen iheslariei ondasunak konfiskatzeko eta familiarekin elkartzeko baimena luzatzeko legea. Aginteko Alderdi Liberalak zentro-eskuineko blokeko hiru aliatuen babesa jaso zuen \u2014eskuin muturra barne\u2014. Oposizioko Alderdi Sozialdemokratak ere neurria defendatu du. Aldeko 81 botorekin eta kontrako 27rekin onartu dute lege murriztailea.<\/em><\/p>\n

<\/p>\n

Gerra eta hondamenetik ihesi jabetza ia guztiak galdu dituztenak estutuko ditu Danimarkako Gobernuak. Bitxien legea<\/em> gisa izendatu dute neurria. 10.000 koroa danimarkarretik \u20141.340 eurotik\u2014 gorako ondasunak eta dirua konfiskatzeko ahala ematen die agintariei. Hasieran proposatutako langa 3.000 koroa danimarkar zen (402 euro). Halere, \u00abbalio sentimental bereziko\u00bb objektuak salbuetsita egongo dira; ezkontza eraztunak, esaterako.<\/p>\n

Zalaparta franko eragin du neurriak, bai Danimarkan eta bai nazioartean. Giza eskubideen aldeko erakundeek gizagabetzat jo dute. Bada Alemania naziaren garaian juduen jabetzak konfiskatzeko neurriekin alderatu duenik ere.<\/p>\n

Baina, errefuxiatuen eskubideen alde lan egiten duten eragileentzat, familiarekin biltzeko baimenaren atzerapena da kezkagarriena. Orain arte, urtebeteren buruan, asilo eskatzailearen familia herrialdera irits zitekeen. Hiru urtera atzeratu dute epea.<\/p>\n

UNHCR Iheslarientzako Nazio Batuen Goi Mandatariak salatu du legeak Giza Eskubideen Europako Hitzarmena, Haurren Eskubideen Hitzarmena eta NBEren Errefuxiatuen Hitzarmena urratzen dituela. \u00abIzugarri sufritu duen jendea da, eta gerratik ihesi ehunka milaka kilometro egin dituzte Mediterraneoa gurutzatzeko. Errespetuz tratatu beharko lituzkete\u00bb, esan du Stephane Dujarric NBEko bozeramaileak.<\/p>\n

Amnesty Internationalek salatu duenez, \u00abezinezko hautua\u00bb egitera behartuak daude iheslariak. Haurrak eta gertuko senitartekoak \u00abbidaia arriskutsu eta hilgarrietan\u00bb eramatera, edo gerra eremuan \u00abluzaroko banaketa\u00bb sufritzera.<\/p>\n

Gastuaren aitzakia<\/strong><\/p>\n

\u00abEz genukeen inoiz nazioarteko hitzarmenen aurkako legerik proposatuko\u00bb, defendatu du Inger Stojberg Integrazio ministroak. Ezkerreko alderdiak kritikatu ditu gobernuak, nazioartean Danimarkaren izena zikintzeagatik. \u00abGobernuak ez dizkie bitxiak kenduko\u00bb, adierazi du Alderdi Liberaleko Jacob Ellemann-Jensenek.<\/p>\n

Arrazoi bikoitza erabili du gobernuak legearen alde. Batetik, asilo eskatzaileen eta herritarren baldintzak berdintzeko beharra nabarmendu du. Diru laguntza publikoak jasotzeko, herritarrek ondasunak saldu behar dituzte lehenago. Bestetik, errefuxiatuek eragindako gastuari aurre egiteko neurritzat jo du. NDF Nazioarteko Diru Funtsaren arabera, BPGaren %0,47ko gastua izan zuen krisiak herrialdean iaz.<\/p>\n

Edonola ere, Danimarkako ordezkariek beraiek aitortu dute soilik gastuaren zati txiki bat ordaindu ahalko dutela neurri horrekin. Izan ere, Europa iparraldera iristerako, dirutza ordaindu behar izan diete giza trafikatzaileei mugak igarotzeko.<\/p>\n

Europako Batzordeak adierazi duenez, ondasunen konfiskatzea nazioarteko legearen araberakoa da \u00abbeharrezkoa eta proportzionala\u00bb denean. Stephen Ryan batzordeko Barne Saileko arduradunak esan du oraindik ez dutela legea \u00abxehetasunez\u00bb aztertu. Halere, ohartarazi du Danimarkak errespetatu egin behar dituela nazioarteko giza eskubideen hitzarmenak, Europako asilo legeetatik salbuetsita egon arren. Suitzak eta Alemaniako Baviera eta Baden-Wurttemberg landerrek ere iheslariei dirua konfiskatzen diete.<\/p>\n

Eskandinaviar penintsulako hiru herrialdek ezarri dituzte kontrolak mugetan, errefuxiatuei sarrera oztopatzeko: Danimarkak, Suediak eta Norvegiak. Gizartean eztabaida sutsua eragin du iheslarien aferak, eta eskuin muturrak politikoki baliatu du gora egiteko. Danimarkan 21.000 lagunek eskatu zuten asiloa iaz; Norvegian 31.000 izan ziren; Suediak jaso zuen gehien: 163.000.<\/p>\n

Hain zuzen, Suedian are gehiago gaiztotu da eztabaida, herenegun gauean errefuxiatu adingabe batek ustez zentro bateko langile bati labana sartu eta hil eta gero. TT agentziaren arabera, 15 urteko gaztetxo bat atxilotu du Poliziak. Stefan Lofven lehen ministroak polizia baliabide gehiago agindu ditu krisiari aurre egiteko. Haatik, inkestetan hondoa jo du haren alderdi sozialdemokratak, errefuxiatuen krisiak eraginda bereziki.<\/p>\n","protected":false},"excerpt":{"rendered":"

Adrian Garc\u00eda \/ 2016-01-27 \/ 532 hitz Tradizionalki asilo eskatzaileen eskubideak errespetatu dituen lurraldea izan da Europa iparraldea. Baina eskuin muturrak gora egin ahala, joera hori desagertu egin da. Danimarkak atea kolpez itxi die errefuxiatuei, haien eskubideak murrizten dituen lege … Jarraitu irakurtzen →<\/span><\/a><\/p>\n","protected":false},"author":6,"featured_media":0,"comment_status":"open","ping_status":"open","sticky":false,"template":"","format":"standard","meta":[],"categories":[5514,5718,7,5505,5497,5493,5492,17],"tags":[100,6405,6404,5123,6407,6406],"featured_image_src":null,"featured_image_src_square":null,"author_info":{"display_name":"liburutegia","author_link":"https:\/\/eibz.educacion.navarra.es\/blogak\/liburutegia\/author\/liburutegia\/"},"_links":{"self":[{"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/posts\/12457"}],"collection":[{"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/posts"}],"about":[{"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/types\/post"}],"author":[{"embeddable":true,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/users\/6"}],"replies":[{"embeddable":true,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/comments?post=12457"}],"version-history":[{"count":1,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/posts\/12457\/revisions"}],"predecessor-version":[{"id":12458,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/posts\/12457\/revisions\/12458"}],"wp:attachment":[{"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/media?parent=12457"}],"wp:term":[{"taxonomy":"category","embeddable":true,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/categories?post=12457"},{"taxonomy":"post_tag","embeddable":true,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/tags?post=12457"}],"curies":[{"name":"wp","href":"https:\/\/api.w.org\/{rel}","templated":true}]}}