{"id":14844,"date":"2018-04-11T08:17:52","date_gmt":"2018-04-11T08:17:52","guid":{"rendered":"http:\/\/eibz.educacion.navarra.es\/blogak\/liburutegia\/?p=14844"},"modified":"2018-04-11T08:17:52","modified_gmt":"2018-04-11T08:17:52","slug":"homeopatiak-alfonbra-azpian-ezkutatzen-zuena","status":"publish","type":"post","link":"https:\/\/eibz.educacion.navarra.es\/blogak\/liburutegia\/2018\/04\/homeopatiak-alfonbra-azpian-ezkutatzen-zuena\/","title":{"rendered":"Homeopatiak alfonbra azpian ezkutatzen zuena"},"content":{"rendered":"

Josu Lopez-Gazpio \/ 2018-04-10 \/ 637 hitz<\/a><\/p>\n

Urtero bezala, gaurko egunez Homeopatiaren Eguna ospatzen dute homeopatia zaleek,\u00a0Samuel Hahnemann<\/a>en jaiotzaren 263. urteurrenean. Hahnemann kimikari eta mediku alemaniarra izan zen, hain zuzen ere, homeopatiaren asmatzailea. Aurten, gainera, ospakizuna egun aproposa da homeopatiari buruzko azken datuak eta berriak eguneratzeko; izan ere, CIS Espainiako Ikerketa Soziologikoen Zentroak otsaileko barometroan osasunari eta terapiei eskaini zien galdera-sorta bat eta horrek homeopatia zaleak aztoratu ditu.<\/em><\/p>\n

<\/p>\n

CISen datuen arabera, homeopatiaren salmentak ere beherantz doaz eta, oro har, geroz eta argiago dago kontsumitzaileak homeopatian zuten fedea galtzen ari direla. Homeopatia diluitzen ari da, bai, baina oraindik badago lanik egiteko.<\/p>\n

Homeopatia zertan den<\/h5>\n

Esan bezala,\u00a0homeopatia Hahnemannek sortu zuen 1810ean eta bere ateraldietan oinarritzen da\u00a0bakarrik. Besterik ez. Ez dago beste azalpenik homeopatiaren oinarriak azaltzen saiatzeko. Gainera, arau horiek Kimikaren, Fisikaren, Biologiaren eta Medikuntzaren oinarrizko printzipioak urratzen eta ukatzen dituzte. Alde batetik, antzekotasunaren legean oinarritzen da \u2013similia similibus curantur<\/em>\u00a0delakoa- eta horren arabera, antzekoak antzekoa sendatzen du.\u00a0Homeopaten ustez, substantzia toxiko batek pertsona osasuntsu bati eragiten dizkion sintomak substantzia horrekin berarekin senda daitezke. Bestetik, homeopatiaren gakoa dosi minimoen legea da. Lege horren arabera,\u00a0sendagaiaren efektua bere kontzentrazioarekiko alderantziz proportzionala da, hau da, sendagai bat dosi txikiagoan hartzen bada, haren sendatzeko ahalmena handiagoa da. Bi printzipio xelebre horiek asmatu ondoren, eta bestelako inolako oinarririk gabe, Hahnemanek\u00a0Organon der Rationellen Heilkunde<\/em>\u00a0liburua argitaratu zuen bere sinesmena fedea bailitzan zabaltzeko. Nolanahi ere, eta\u00a0aski frogatuta dagoen moduan<\/a>, homeopatia ez da plazebo efektua baino eraginkorragoa.<\/p>\n

Ikerketa sakonak eta zorrotzak egin diren kasu guztietan frogatu da hori eta, hortaz, ondorioa ez da berria zientzia-komunitatean.\u00a0Hainbat berrikuspen sakonek<\/a>\u00a0frogatu dute homeopatia ez dela eraginkorra aztertutako gaixotasun guztietan. Zientziaren arabera, eta orain arte ezagutzen denaren arabera, bi sendagai homeopatiko mota daude bakarrik: eraginkortasuna frogatu ez dutenak eta eraginkortasunik ez dutela frogatu dutenak. Nola liteke orduan homeopatia diotena bezain arrakastatsua izatea?<\/p>\n

Puztutako datuak<\/h5>\n

2011n esaten zenaren arabera, 10 milioi espainiarrek baino gehiagok erabiltzen zuten homeopatia. Alabaina, 2017ko datuen arabera, 2 milioira jaitsi da homeopatia kontsumitzen dutenen kopurua. Jaitsiera nabarmena da, baina, baliteke duela 7 urteko datuak adierazgarriak ez izatea. Homeopatia zaleek\u00a0askotan errepikatu izan dute 15.000 farmazietan saltzen dela,\u00a010.000 mediku homeopata daudela<\/a>, 15 milioi pertsonek kontsumitzen dutela\u00a0eta kontsumitzaileen %82 pozik gelditzen dela homeopatia erabili ondoren. Hala ere,\u00a0duela gutxi El Mundo-k jakinarazi duenez<\/a>,\u00a0datu horiek ez dira egokiak edo iturriak ez daude kontrastatuta,\u00a0datu horiek lortzeko erabilitako laginak ez direlako adierazgarriak. Adibide modura aipatzen da 2011n homeopatiaren inguruko industriak egindako txostenean espainiarren %27k homeopatia maiz erabiltzen zuela esaten zen. 2014rako kopuru hori %18,3ra jaitsi zen, baina, orain CISen inkestaren arabera -interes sektorialik gabea- %5ak besterik ez du erabiltzen -sektoreko industriaren txostenak esaten zuena baino %70 gutxiago-. Aipatzekoa da, bestalde, CISen azken barometroaren arabera Espainiako populazioaren %51k badakiela homeopatiaren oinarria zein den, baina, sasi-zientzia guztien artean okerren baloratzen dena dela. Hain zuzen ere, homeopatia erabili dutenen artean 6,86 puntuko asebetetze maila lortzen du -akupunturak 7,03 eta terapia ayurvedikoek 8,89, esaterako-. Hortaz,\u00a0sasi-zientzien artean ere homeopatiak ez du famarik onena.<\/p>\n

Homeopatiaren arloko hiru enpresa nagusienen fakturazio datuak ere asko murriztu dira. 2014tik 2016ra 53 milioi euro fakturatzetik 43 milioi fakturatzera pasa dira. 15.000 farmaziak homeopatia saltzen dutela ez da datu fidagarria eta inork ez daki nola kalkulatu den. 10.000 mediku homeopata daudela errepikatzen dute homeopatia zaleek, baina, kopuru horren jatorria ere ez da ezagutzen.\u00a0Ez dago iturri fidagarririk edo kontrastaturik hainbestetan errepikatzen diren mantra horien jatorria argitzeko. Horixe izan da homeopatiak oso ondo ezkutatu duen sekretua: datuak puztuz fidagarria eta arrakastatsua dela sinestaraztea.<\/p>\n

Informazio osagarria:<\/strong><\/p>\n