{"id":8689,"date":"2015-02-12T10:15:19","date_gmt":"2015-02-12T10:15:19","guid":{"rendered":"http:\/\/eibz.educacion.navarra.es\/blogak\/liburutegia\/?p=8689"},"modified":"2015-02-12T10:15:19","modified_gmt":"2015-02-12T10:15:19","slug":"kulturaren-aulki-laranja","status":"publish","type":"post","link":"https:\/\/eibz.educacion.navarra.es\/blogak\/liburutegia\/2015\/02\/kulturaren-aulki-laranja\/","title":{"rendered":"Kulturaren aulki laranja"},"content":{"rendered":"<p><a href=\"http:\/\/www.berria.eus\/paperekoa\/2142\/040\/002\/2015-02-10\/kulturaren_aulki_laranja.htm\" target=\"_blank\">Urtzi Urkizu- Edu Lartzaguren \/ 2015-02-10 \/ 524 hitz<\/a><\/p>\n<p style=\"text-align: justify\"><em>Euskarazko sorkuntza hedabideetan gutxi lantzen delakoan, &#8216;Ttalaka.org&#8217; ataria sortu zuten iaz hiru adiskidek. Telebistako saio bihurtu da orain, Hamaika TBren eskutik.<\/em><\/p>\n<p><!--more--><\/p>\n<p style=\"text-align: justify\">Interneteko atari gisa hasi, eta horretatik telebistara sartu. <em>Ttalaka.org<\/em> iaz sortu zuten, kultur ekitaldiak eta, oro har, aisialdia euskaraz gozatu nahi dutenen erreferentzia izateko asmoz. Agenda izateaz gain, bideoz eta bestelako edukiz bete dute hilabeteotan ataria. Orain, berriz, telesaio bihurtu dira. <em>Ttalaka.org<\/em>-eko bideo bilduma Hamaika telebistan zabaltzen hasi dira. Jokin Aierregaraik, Maitane Aierregaraik eta Arkaitz Sukuntzak osatzen dute Ttalaka taldearen muina. Euskal kultura hedabideetan \u00abgutxi lantzen\u00bb delakoan, sortzaile eta ikusleen arteko zubia eraikitzea erabaki zuten, \u00abhutsune hori nolabait betetzeko\u00bb.<\/p>\n<p style=\"text-align: justify\">Astelehenean ematen dute 21:00etan, eta gero berriz asteartean (12:30), ostegunean (18:00), ostiralean (11:00) eta larunbatean (15:00). Euskara eta euskal kultura dira gaia beti, eta saioak bi atal nagusi ditu. Lehen atalean, kulturaren arloko sortzaile bat aulki laranja batean eseri eta elkarrizketatu egiten dute. Haren ibilbide profesionalaz hitz egiteaz gain, elkarrizketatua modu pertsonalagoan ezagutzen saiatzen dira.<\/p>\n<p style=\"text-align: justify\">Bigarren atalean, Euskal Herrian egiten diren kontzertuen, antzerki estreinaldien, kultura arloko topaketen eta bestelako ekitaldien berri ematen dute. Ikusle eta kultur eragileekin elkarlanean aritu nahi dute: \u00abProposamenak onartzen ditugu, geurea proiektu parte hartzailea delako\u00bb.<\/p>\n<p style=\"text-align: justify\">Telebistarako jauzi egin izanak \u00abaurrerapausoa\u00bb dela diote, sarean ez dabilen jendearengana heltzeko aukera ematen dielakoan. Hamaika telebistarekin elkarlanean hasi aurretik, <em>Berria.eus<\/em> atarian erakusten zituzten <em>Ttalaka.org<\/em>-eko bideoak. Trukea zen: BERRIAk eskainiriko azken albisteak ere ikusgai ziren ttalakarien gunean, aldi berean.<\/p>\n<p style=\"text-align: justify\"><b>Blogariak lagun<\/b><\/p>\n<p style=\"text-align: justify\">Aisialdian euskaraz bizitzeko baliabideak eskaintzea da Ttalaka taldearen helburua. Batez ere sarean egiten dute lan, han ikusten dutelako \u00abhutsunerik handiena\u00bb.<\/p>\n<p style=\"text-align: justify\">Horretan, hiru pertsonako muinez gain, blogari talde bat dute laguntzeko. Hamabi blog dituzte denera, kulturaren hainbat alor jorratzeko. Esaterako, Naiara Gonzalezek zinema aretoetan ikus daitezkeen filmen kritika egiten du <em>Wilderrek egingo lukeen bezala<\/em> blogean. Antzerkia eta, oro har, arte eszenikoen inguruan aritzen dira Aitziber Garmendia, Dorleta Urretabizkaia, Sara Cozar, Arkaitz Gartziandia eta Egoitz Sanchez. Antzerki munduko jendea da, eta oholtzaren atzean gertatzen dena ere lantzen dute.<\/p>\n<p style=\"text-align: justify\">Musikaren inguruko bi blog dituzte. <em>Eremuko dunen atzetik dabil<\/em> izenburupekoan, musikari baten bizitzaz hitz egiten du Tania de Sousa abeslariak lehen pertsonan. Besteak <em>Estereotankea<\/em> du izena, eta Ibon Fernandez Gazteako esatariak egiten du.<\/p>\n<p style=\"text-align: justify\">Teknologia lantzen dute, berriz, <em>Informatikalari 2.0<\/em> blogean: Arkaitz Sukuntza oinarrizko informatikaz aritzen da, Mikel Olaiz diseinuaz, eta Sergio Novella bideo jokoez. Horrez gain, modari buruzko bi blog dituzte: Ainhoa Elizegiren <em>Zaharrak berri<\/em> eta Jokin Aierregarairen <em>Astindu Ganbaran<\/em>. Urko Ega\u00f1a bertsolariak hitz neurtutan kontatzen ditu pil-pilean dauden gaiak <em>Bertso kontari<\/em> blogean. Sukaldaritzaz aritzen da Luken Vigo <em>Sasoian Sasoiko<\/em> tartean. <em>Euskontu<\/em> blogean, <em>euskontu.com<\/em> guneko eskaintzez aritzen dira, eta <em>AT!<\/em> tartean, Euskal Herritik kanpo bizi diren euskaldunen bizimodua azaltzen dute, protagonisten ahotik. <em>Ttalaka.org<\/em>-ekin bat egin duen azken bloga <em>Argazkilaritzataz<\/em> da. Idoia Unzurrunzaga argazkilariak kudeatzen du.<\/p>\n<p style=\"text-align: justify\">Beste bi blog sortzeko lanean ari dira orain: <em>Sormenetik<\/em> tartean, euren arte lanez eta sorkuntza prozesuez idazten dute Maitane Bernardok, Asier Hernandezek eta Ione Zabalak. Irratigintzan ere badabil Ttalaka taldea: <em>PodKast<\/em> blogean, Donostiako Casares Irratiko <em>Ttalaka<\/em> irratsaioaren saioak azaltzen joango da Maddi Zaldua.<\/p>\n<p style=\"text-align: justify\">\u00abBatzuk baliabide askoz gutxiagorekin euskarazko edukiak sortzeko gai bagara\u00bb, diote, \u00abETBk askoz gehiago egin dezakeela uste dugu\u00bb. Euskal Telebistaren ekoizpenenean beherakada nabaritu dutela diote, \u00abkrisiaren aitzakian\u00bb, baina proposamen positiboa egiten diote: \u00abEduki propioak egiteko dirurik ez badago, elkarlanak bila ditzakete\u00bb.<\/p>\n<p style=\"text-align: justify\">\n","protected":false},"excerpt":{"rendered":"<p>Urtzi Urkizu- Edu Lartzaguren \/ 2015-02-10 \/ 524 hitz Euskarazko sorkuntza hedabideetan gutxi lantzen delakoan, &#8216;Ttalaka.org&#8217; ataria sortu zuten iaz hiru adiskidek. Telebistako saio bihurtu da orain, Hamaika TBren eskutik.<\/p>\n","protected":false},"author":6,"featured_media":0,"comment_status":"open","ping_status":"open","sticky":false,"template":"","format":"standard","meta":[],"categories":[7,75],"tags":[3731,3875,3,156,3873,5085,3874,3872,29],"featured_image_src":null,"featured_image_src_square":null,"author_info":{"display_name":"liburutegia","author_link":"https:\/\/eibz.educacion.navarra.es\/blogak\/liburutegia\/author\/liburutegia\/"},"_links":{"self":[{"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/posts\/8689"}],"collection":[{"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/posts"}],"about":[{"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/types\/post"}],"author":[{"embeddable":true,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/users\/6"}],"replies":[{"embeddable":true,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/comments?post=8689"}],"version-history":[{"count":2,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/posts\/8689\/revisions"}],"predecessor-version":[{"id":8691,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/posts\/8689\/revisions\/8691"}],"wp:attachment":[{"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/media?parent=8689"}],"wp:term":[{"taxonomy":"category","embeddable":true,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/categories?post=8689"},{"taxonomy":"post_tag","embeddable":true,"href":"https:\/\/eibz.educacion.navarra.es\/blogak\/liburutegia\/wp-json\/wp\/v2\/tags?post=8689"}],"curies":[{"name":"wp","href":"https:\/\/api.w.org\/{rel}","templated":true}]}}