Itzal suntsigarrien gaua

DBH 2. zikloa

Laburpena: Sarak, hamasei urteko neska batek, udako opor batzuetan zehar benetako altxor bat aurkitu zuen amonaren etxean.

Han egokitu zitzaion logelan, mamu-presentzia bat nabaritzearekin batera, osaba ezezagun baten biblioteka eta zenbait dokumentu aurkitu zituen eta, haien bitartez, Espainiako Gerra Zibilean eta gerraondoko urte latzetan gertatutako amodio eta desamodio istorio ahaztezin batekin topo egin zuen. Gertakizun haiek ezagutu eta gero, Sarak beste era batera egingo zion aurre bizitzari.

Itzal suntsigarrien gaua gazte eleberri hunkigarria da eta gerrak, erbesteak eta distantziak hautsitako hainbeste ametsen memoriari buruz hitz egiten du.