hasiera >>> kantak

Euria

Erreferentzia:
Kantiruri, 15. kanta
Kanta:
Euria tipi-tapa ba(ra)txe – ba(ra)txe hasten da.
Euria tapa-tapa azkar-azkar ari da.

Kanpoan ibiltzen gira
burua tapatuta;
jostetan ari gira
putzuetan plisti-plasta.

Errepika...

Elementa heldu da;
Fite-fite barnera,
lasterka aterbera:
arrunt bustiak gira.

Errepika...
Moldaketa:

ba(ra)txe: mantso
jostetan: jolasten
gira: gara
fite-fite: azkar-azkar
elementa: zaparrada
arrunt bustiak gira: asko busti gara

Proposamena:
1. Keinuak:

1. Errepika: Abestiaren erritmoa jarraituz eta haurrak korroan geldirik.

  • Lehenengo zatian: eskuineko eskuarekin eskuineko izterrean jo eta jarraian ezkerreko eskuarekin ezkerreko izterrean jo.
  • Bigarren zatian: zangoarekin lurra jo, eskuineko eta ezkerreko zangoak aldizkatuz.

euria

2. Lehenengo kopla: Biribilean, eskuin aldera ibiliz hitzak dioena antzeztu eskuekin burua tapatuz eta putzuetan jauziak antzeztuz.
3. Bigarren kopla: Letrak dioena antzeztu, biribilean gero eta azkarrago ibiliz.

euria

______________________________

EIBZ