hasiera >>> jolasak

TXIN – TXIN NIK EZ DUT EGIN!

Adina:
3-4 urte
   
Materiala:
Koloretako gometsak eta aulkiak
   
Kokapena:
Bat aulkian eserita eta besteak inguruan
   

Deskribapena:

Ikasle bat aulkian eserita egongo da eta irakasleak begiak eskuekin itxiko dizkio. Ikasle bat altxatuko da eta eserita dagoenari gomets bat jarriko dio kopetan. Buruan kolpetxoak emanez hitz magikoak esango dizkio: “Txin – txin nik ez dut egin!”.
Korrora bueltatuko da. Aulkian eserita dagoenak zein koloretako gometsa duen galdetuko die: “Gorria da?”; “Ez, ez da gorria”. Horrela asmatu arte. Asmatzen duenean gometsa jarri diona aulkian eseriko da.
   
Oharra:
5 urtekoekin forma ezberdinetako gometsekin egin daiteke. “Zirkulua da?”, “Hirukia da?”...
Gometsa itsatsi beharrean, aulkian eserita dagoenari gai ezberdinetako irudiak ematen badizkiogu -animaliak, janariak, jantziak, gorputz atalak…-gai horiek ere lantzeko aukera izango genuke.
 
 

______________________________

EIBZ