hasiera >>> kantak

Hamar txori

Erreferentzia:
Plisti (Ibaizabal), 18. kanta
Kanta:
Hamar txori ditut bizirik,
batek ihes egin du etxetik
geratzen zaizkit bederatzi,
bederatzi!

Bederatzi txori ditut nik,
batek ez du jan nahi alpisterik
geratzen zaizkit zortzi txori,
zortzi txori!

Zortzi txori ditut bizirik,
batek ez du nahi edan urik
geratzen zaizkit zazpi txori,
zazpi txori!

Zazpi txori ditut bizirik,
katu bat gaur bat irentsi
geratzen zaizkit sei txori txiki,
sei txori txiki!

Sei txori ditut bizirik,
bati mokoa zaio hautsi
geratzen zaizkit bost txori txiki,
bost txori txiki!

Bost txori ditut bizirik,
bat ezin da kaiolan bizi
geratzen zaizkit lau txori txiki,
lau txori txiki!

Lau txori ditut bizirik,
batek ezin lorik egin
geratzen zaizkit hiru txori,
hiru txori!


Hiru txori ditut bizirik,
batek txanoa lapurtu dit
geratzen zaizkit bi txori txiki,
bi txori txiki!


Bi txori ditut bizirik,
batek ez dit egiten agurrik
geratzen zait orain bat bakarrik,
bat bakarrik!

Txori bakar bat dut bizirik,
eta oso ondo zaintzen dut nik
ez zaio falta alpisterik,
alpisterik!

Moldaketa:

Txoria izan beharrean, beste edozein animalia aipa dezakegu, hala nola sagua, txakurra, ardia, eta abar. Horretarako, kantaren hitza alda daiteke, adibidez: ardiak alpistea jan beharrean, belarra jango du; saguak gazta; txakurrari buztana zaio hautsi; otso batek ardi bat irentsi; txakurra ezin da etxean bizi, eta abar.

Bestalde, hitza nahiko luzea denez, txikienekin 5 zenbakitik behera egin dezakegu eta, 4 eta 5 urtekoekin, abesti osoa.

Proposamena:

Abestiaren paragrafo bakoitzean kontatzen dena antzeztu dezakegu keinuak eta gorputzaren mugimenduak erabilita, hala nola txoria esaten denean besoak luzatu eta eskuak astindu; jan esaten dugunean, jateko keinua erabili; irentsi aipatzen denean, ahoa ireki... Hatzen bitartez ere esaten dugun zenbakia irudika daiteke: hiru txori, hiru hatz atera; bi txakur, bi hatz, eta abar.

Bestalde, hamar txoriren irudiak edota marrazkiak kortxoan edo paretan ipin ditzakegu. Abestia aurrera doan bitartean irudi horiek kentzen joan gaitezke. Bederatzi txori esatean, txori baten irudia kenduko dugu / zortzi txori abestean, bi txori kenduko ditugu...

______________________________

EIBZ