Zehar-galdera guztietan bezala, zehar-galdera orokorretan ere aditzak –eN forma hartzen du, eta aski da atzizki hura zehar-galdera ongi osatzeko, nahiz harekin batean ea edo ote bezalako beste zenbait indargarri ere erabil daitekeen:

• Ez dakit zuzen mintzatu naizen.
• Galdetzera noa ea norbait azaldu den.

Halere, zehar-galdera orokorreko aditzari atzizki indargarria erantsi nahi bazaio, anbiguetaterik sortzen ez duen –enetz atzizkia erabiltzea gomendatzen du Euskaltzaindiak euskara baturako:

• Begira iezaiozu ongi ea gaitzik ageri duenetz.
• Ez dakit ikusi dugunetz.

Araugintza I

Bibliografia
Helbide elektronikoak
Inprimatzeko bertsioa
Edukiak alfabetikoki