–ARAZIren subjektua beti ergatiboan joan ohi da:

- Koldok etorrarazi du Mikel gure aitzinera.

Objektua beti absolutiboan jarri behar da:

- Autoa salarazi didazue.

Oin-aditza iragankorra denean, subjektua datiboan darama:

- Niri irakurrarazi didate libururik lodiena (Nik irakurri dut libururik lodiena).

Oin-aditzaren subjektua absolutiboan doanean, absolutiboan ageri da perpaus kausatiboan ere:

- Mikel eserarazi dute hizlariaren ondoan (Mikel eseri da hizlariaren ondoan).

Oin-aditzaren subjektua ergatiboa baldin bada eta agerian objekturik ez badu, bi egoera bereizi behar dira:

• Objektua ezabatua edo aditzari atxikia duten aditzekin datiboa eskatzen du subjektuak:

- Iratiri janarazi diote.
- Aneri irri eginarazi diote.

• Sekula objekturik hartzen ez duten aditz deponenteekin, aditzaren izaera semantikoa kontuan hartu behar da. Aditzak subjektu biziduna eskatzen duenean, datiboan ageri da (Inori ez diogu pairarazi behar), baina subjektua bizigabea bada, absolutiboa (Ura irakinarazi dute).

Araugintza I

Bibliografia
Helbide elektronikoak
Inprimatzeko bertsioa
Edukiak alfabetikoki