“Behar izan” aditzaren jokabidea aditz iragangaitzekin

113. araua (1107. or.)

Ondoko hau da Euskaltzaindiaren gomendioa:

1. “Behar izan” aditza aditz laguntzaile iragankor gisa jokatuko da, ondoan agertzen den aditz osagarria edozein motatakoa delarik, iragangaitza denean ere bai:

• Lan egin behar dugu.
• Liburua ekarri behar zenidan.
• Etxera joan behar dut.

2. Halere, lehen puntuan esana ez da beteko “behar izan” aditza, datibodun aditz iragangaitz batekin agertzen denean. Orduan izan laguntzailearen zaio saileko formak erabiliko dira beti:

• Bihar mintzatu beharko natzaizu gai horretaz.
• Azkenerako gauza guztiak ahaztu behar zaizkizu.

3. Bestalde, zenbait euskalkitan, Iparraldekoetan batez ere, “behar izan” aditzak izan laguntzailea har dezake aditz iragangaitzekin:

• Joan behar naiz.
• Ez zara ikaratu behar.

Azken jokabide hau ere ez da gaitzesten.

	Hutsuneak bete
	Hutsuneak bete