1. saioa /	2. saioa /	3. saioa /	4. saioa /	5. saioa
Araugintza I

ORTOTIPOGRAFIA

Nazioarteko ikurrak

Unitateen zeinuak ez dira laburdurak, baizik eta nazioarteko sinbolo edo ikurrak, eta punturik gabe idazten dira:

Deklinatzea egokitzen bada, marratxoa jartzen da: 10 km-ko ibilbidea.

Zientziaren alorrean euskaraz ere nazioarteko arauak beteko dira. Neurri-izenetan, adibidez, nazioarteko sinboloak erabiliko dira (beraz, punturik gabe idatziko ditugu):

Zenbakiaren eta neurri-izenaren artean hutsunea utzi behar da:

- 20 ºC daude gure etxeko egongelan.
- 25 cl oliba-olio asko al da?

Deklinatzean, neurri-izenen sinboloei marratxoaren bidez erantsiko zaie deklinabide-atzizkia.

- 25 kg-ko fardelak egin ditugu.
- Hemendik 10 km-ra dago zure herria.
- Batez beste 100 km/h-ko abiaduran egin dugu bidaia.

Abiadura kontuak irakurri behar ditugunean, honela jokatu behar da:

1. Neurri-unitatea deklinatu gabe badago:
   - 5 m/s irakurtzeko, bi aukera ditugu: “bost metro segundoko” edo “segundoko bost metro”
   
2. Neurri-unitatea deklinatuta badago:
   - 5 m/s-tik 3 m/s-ra. Aukera bakarra: “segundoko bost metrotik, segundoko hiru metrora”
   - 5 m/s-ko abiadura. Aukera bakarra: “segundoko bost metroko abiadura”
   
3. “Halako abiaduran” egitura gomendatzen da “ibili, joan” eta gisako aditzekin erabiltzeko; eta ez “ Halako abiaduraz”(??) :
   - Nik uste, batez beste 100 km/h-an ibiltzen naizela autobietan.
   - Nik uste, batez beste orduko ehun kilometroan ibiltzen naizela autobietan.
   - (??) Nik uste, batez beste, orduko ehun kilometroz ibiltzen naizela autobietan.
   - (??) Nik uste, batez beste, 100 km/h-z ibiltzen naizela autobietan.
   - Zer abiaduratan etorri zara bide horretatik?
   - (??) Zer abiaduraz etorri zara bide horretatik?

	Zer dago gaizki hurrengo esaldietako batzuetan?
	Aukera itzazu zuzenak direnak