EIBZ - Araugintza ikastaroa

ORTOTIPOGRAFIA

1. Ordinalak: 5. araua, XV. Biltzarra...

Zenbatgarren adierazteko, letraz idatzi ezean, puntua jartzen da beti zenbakiari itsatsita (baita zenbaki erromatarrekin ere).
Adib.: Aldaketak egin dituzte 5. artikuluan eta 6.ean.
Iaz egin zen Euskaltzaindiaren Nazioarteko XV. Biltzarra.
Zenbaki arabiarrak ez ezik, erromatarrak ere erabiltzen dira, honelako kasuetan:

	adibideak	salbuespenak
Mendeak adierazteko	XIII. mendea XXI. mendea
Errege, aita santu eta kirolarien izenetan	Benedikto XVI.a aita santua, Olaizola II.a...
Ekitaldi, jaialdi, jardunaldi eta gisakoetan	Euskaltzaindiaren Nazioarteko XV. Biltzarra	20tik gora, zenbaki arabiarrak erabiltzen dira: Donostiako 49. Zinemaldia (ez “Donostiako IL. Zinemaldia”)

Hamarkada edo hamarraldiak. 1961-1970 bitartea ez da *60. hamarkada. Hortaz, 60ko hamarkada edo 60ko urteak esaten zaio hamar urteko multzo horri.

2 . Ehunekoak

Ehunekoak zifraz ematen dira, % zeinua aurretik dutela: % 5, % 10... (Eztabaida dago zeinuaren eta zenbakiaren artean tarterik utzi behar den ala ez).
Ehunekoak zenbaki arruntak bezala deklinatzen dira, zenbakiaren amaiera kontuan hartuta: % 5ek, % 8ren...
Artikulurik gabe deklinatu behar dira ehunekoak: % 5 etorri dira (ez *% 5a etorri da), % 5ek egin dute, % 5i gertatu zaie...
Erreferentziazko izena plurala denean, aditza ere pluralean emateko joera dago, aurreko adibideek erakusten dutenez. Beste batzuetan, ordea, erreferentziazko izena singularra da, eta aditza ere hala joaten da:
Ikasleen % 60k gainditu dute EGA azterketa.
Aurrekontuaren % 40 Udalak ordainduko du.
Artikulua beharrezkoa da inoiz, ehunekoa inguruak mugatua denean: Gainerako % 60a publizitate bidez lortu nahi da.
Bi joskera hauek dira egokiak:
- Langileen % 10ek istripuren bat izan dute inoiz.
- % 10 langilek istripuren bat izan dute inoiz.
Kontuan izan beste joskera hau ere zuzena dela:
- Ehunetik 10 langilek istripuren bat izan dute inoiz.

Ez	Bai	Esan
% 5a alde dago.	% 5 alde daude.	Ehuneko bost alde...
% 5ak ez daki euskaraz.	% 5ek ez dakite euskaraz.	Ehuneko bostek...
% 5ari eman diote laguntza.	% 5i eman diete laguntza.	Ehuneko bosti...

% 40a eman du Udalak.	% 40 eman du Udalak.	Ehuneko berrogei eman du...
gainerako % 60, falta den % 60	gainerako % 60a, falta den % 60a	Gainerako ehuneko hirurogeia...

3. Siglak

Sigla letra larriz eta jarraian idazten da; alegia, letra artean punturik gabe.
- EB (Europako Batasuna)
- AEB (Ameriketako Estatu Batuak)
Sigla bat lehendabizikoz ematen dugunean testu batean, komenigarria da siglaren azalpena ematea.
- UZEI (Unibertsitate Zerbitzuetarako Euskal Ikastetxea)
- Udako Euskal Unibertsitatea (UEU)
Siglak deklinatzeko garaian, ahoskeraren eta izen bizigabeen arabera deklinatzen dira eta deklinabide-atzizkia marratxorik gabe lotzen zaie gehienetan.
- EBko (e-be-ko)
- EHEk (e-hatxe-e-k)
Zenbait kasutan marratxoa jarri egin behar da:
a) Siglaren amaieran eta atzizkiaren hasieran letra bera dugunean:
- AEK-ko
b) Letra larriz doazen testu-zatietan eta izenburuetan:
- EAE-KO DYA-REN TXOSTENA

	Aukera itzazu zuzenak direnak
	Eman itzazu letraz

Araugintza II