Galdera:
Alfabetoa azaltzerakoan zalantza sortzen zaigu eta ez dugu jakiten zer hizki sartu. Garai batean tx, ts, tz azaltzen genituen (inoiz ch ere erabili izan dugu); ñ ere arazo iturri izaten dugu. Beraz, A, B, C… euskal alfabetoa nola azaldu behar dugu?
Erantzuna:
Euskal alfabetoa edo ABC-a hogeita zazpi letrak osatzen dute, ordena honetan jarriak, beren izena ondoan dutelarik:
| Letrak | Izenak |
| a | a |
| b | be |
| c | ze |
| d | de |
| e | e |
| f | efe |
| g | ge |
| h | hatxe |
| i | i |
| j | jota |
| k | ka |
| l | ele |
| m | eme |
| n | ene |
| ñ | eñe |
| o | o |
| p | pe |
| q | ku |
| r | erre |
| s | ese |
| t | te |
| u | u |
| v | uve |
| w | uve bikoitza |
| x | ixa |
| y | i grekoa |
| z | zeta |
Letra hauetatik c eta honen aldaera ç (c hautsia), q, v, w eta y, ohiko euskal hitzak idazteko erabiltzen ez diren arren, kanpotar izenak transkribatzeko beharrezkoak direlarik, euskal alfabetoan sartzen dira.
Informazio iturria: Euskal alfabetoari buruz Euskaltzaindiak emandako araua (17.a)
Data: 2006/11/07