Galdera
Egun on!
Inauteriak hurbil ditugula-eta, galdetu nahi dizuegu ea zuzena den “pirataz mozorrotu” egitura.
Zuen erantzunaren zain, jaso ezazue gure agurra.
Erantzuna
Bai, zuzena da. Euskaltzaindiaren Hiztegian, mozorrotu hitza kontsultatuta, sarrera hau dator:
![](https://eibz.educacion.navarra.es/blogak/kontsultak/files/2019/02/mozorrotut_1-1024x216.png)
Hortaz, ikusten dugu “Itsaslapurrez mozorrotua” ontzat ematen dutela.
Elhuyar hiztegian ere mozorrotu kontsultatuta, bada horrelako adibiderik 2. adieran:
![MOZORROTU hitzaren ordaina eta adibideak, euskaraz eta gaztelaniaz](https://eibz.educacion.navarra.es/blogak/kontsultak/files/2019/02/mozorrotu_2-1024x387.png)
Elhuyar hiztegian disfrazar begiratuta ere eskura ditugu antzeko beste adibide batzuk 1. adieran:
![DISFRAZAR hitzaren ordainak eta adibideak Elhuyar hiztegian.](https://eibz.educacion.navarra.es/blogak/kontsultak/files/2019/02/disfrazar_-1024x409.png)
Hortaz, Euskaltzaindiaren Hiztegian zein Elhuyarrenean zer datorren jakinik, zuzentzat eta egokitzat emango ditugu ondoko modu hauek, besteak beste:
– Pirata jantzita etorri da.
– Pirataz jantzita etorri da.
– Pirata-mozorroa jantzita etorri da.
– Pirataz mozorrotuta etorri da.