Gonbidatu.

Aditz honek, NOR-NORK sailekoa denez, “du” eskatzen du, eta ez “dio”:

• Mikel afaltzera gonbidatu dute (eta ez *gonbidatu diote).
• Andregaiak bere etxera gonbidatu nau (eta ez *gonbidatu dit).

Aditz hauek ere “du” eskatzen dute, aspaldidanik NOR-NORK nagusitu baita:

• Batak bertzea igurikatzen zuen.

Itxoin, itxaron.

Aditz hauen erabilera:

1. Objektua dagoenean, NOR-NORI-NORK saileko aditza erabiliko da:
   • Hementxe bertan itxarongo diot Xabierri.
   • Lierniri ere itxaron zioten.
2. Objekturik ez dagoenean, NOR-NORK saileko aditza erabiliko da:
   • Alfer-alferrik itxaron dute goiz osoan.

Bi eratara erabil daiteke, NOR-NORK edo NOR-NORI-NORK saileko aditzez:

• Mikel deitu dugu edo Mikeli deitu diogu.

Bi eratara erabil daiteke hau ere, NOR-NORK edo NOR-NORI-NORK saileko aditzez:

• Pozik lagunduko nioke Mikeli etxeraino edo
  Pozik lagunduko nuke Mikel etxeraino.
• Nik neuk lagunduko dizut erosketak egiten edo
  Nik neuk lagunduko zaitut erosketak egiten.