“Ez hanka ez buru” esapidea kalkoa ote da?

Galdera

“Ez hanka ez buru” kalkoa da ala onartua dago?

Erantzuna

Kalkoa izango da akaso, baina ez daiteke kalko okertzat har. Oso grafikoa eta ulergarria da. Urteen poderioz asko sartu zaigun esapidea da. Hori bera esateko beste era bat “ez hanka eta ez buztan” da. Hona hemen, zenbait hiztegitan gai honen inguruan datorrena:

Elhuyar hiztegia:

sin pies ni cabeza

buru-buztan gabeko, ez bururik ez hankarik duen

Zehazki hiztegia:

sin pies ni cabeza, (ez) bururik ez buztanik: una cosa sin pies ni cabeza, aldrebeskeria bat.

“Intza proiektua”, lokuzioak sarean

Intza proiektuan, gaztelerazko ordaintzat “sin pies ni cabeza” ematen dute (hau da, ez hanka ez buru), eta frantsesezko ordaintzat, “sans queue ni tête” (hau da, ez buztan ez buru).

Atala Hizkuntza, etiketak , egilea .

Honi buruz: EIBZ

EIBZ edo Euskararen Irakaskuntzarako Baliabide Zentroa Nafarroako Gobernuaren Hezkuntza Departamentuko zentro ofiziala da, Hizkuntzen eta Arte Ikasketen Zerbitzuko Euskara Atalaren mendekoa. EIBZk hiru atal nagusi ditu eta ongi zehazturiko helburuak eta eginkizunak: a) Prestakuntza arloa: Euskara maila eguneratzeko eta hobetzeko ikastaroak ematea. Euskarazko ikastaroak diseinatzea eta ikastaro berriak proposatzea. Irakasleei ikasmaterialak euskaraz sortzeko aholkuak ematea eta sortzen laguntzea. b) Hizkuntz Egiaztapen eta Zuzenketaren arloa: Nafarroako Gobernuaren EGArako probak prestatzea. Irakasleei euskararen gaineko kontsulta zerbitzua eskaintzea: oinarrizko hezkuntza terminologia, hizkuntza arauak, kalitatezko testuak, baliabide didaktikoak. Lankidetza hitzarmenak sustatzea euskarazko hizkuntza baliabideak jaso, hedatu eta erabili nahi dituzten ikastetxeekin. c) Informazioaren eta Baliabideen arloa: Euskararen irakaskuntzari lotutako fondo dokumentala, bibliografikoa eta teknologia berrien gainekoa sortzea eta eguneratzea. Baliabide Zentroko fondo bibliografikoak, ikus-entzunezkoak eta informatikoak zaintzea, sailkatzea eta eguneratzea. Baliabide Zentroaren webgunea sortzea eta eguneratzea. Helbidea: Zubiarte kalea, 13 Uharte - 31620 Nafarroa

Utzi erantzuna

Zure e-posta helbidea ez da argitaratuko. Beharrezko eremuak * markatuta daude