Euskara Zinema Aretoetara programaren behin behineko etetearekin batera, #EtxeanTinko ekimena abian jarri dute 2019/20 ikasturte amaiera bitarte.
Ekimen honek, aurrekoaren oinarri bera dauka: Nafarroako Hezkuntza Sareko ikasle eta irakasleei Euskarazko zinema eskaintzea.
2020ko Maiatzaren 18an hasi eta Ekainaren 12an amaituko da ekimen hau. Izena emateko epea maiatzaren 14an amaituko da.
Infomazio gehiago lortzeko edo eskaera egiteko, sar zaitez bere webgunean: Tinko
Apirilaren 27tik maiatzaren 16a bitartean, familian euskaraz gozatzeko tailer eta ikuskizunen zirkuitua antolatu du Bilboko udalak. Jarduerak 4 eta 10 urte bitarteko haurrak dituzten familiei zuzenduta daude.
Aurten konfinamendua dela eta online egingo dituzte jarduerak eta bakoitza 72 ordu egongo da ikusgai www.ikusietaikasi.eus webgunean.
Hona hemen hitzik gabeko bideo motzen bilduma. Hauek guztiak elkarrizketak pizteko eta bizikidetza lantzeko oso aproposak dira.
Patricia Oregi Nogales irakasleak Lehen Hezkuntzako A ereduko ikasleentzat prestatutako Jakituriaren Partxisa partekatu du gurekin. Mahai-jokoa erraza, atsegina eta entretenigarria da; hiztegia, zenbakiak eta egunerokotasuneko galde-erantzunak errepasatzeko egokia.
Hemen dituzue mahai-jokoa eta harekin jolasteko jarraibideak:
2008-2009 ikasturtean A eredua: material didaktikoen lanketa Haur Hezkuntzan ikastaroan, Mari Arrijuria, Josune Azcona, Nerea Carton, Maite Celayeta Oteiza, Sonia Encinas, Isaak Etxebeste, Enara Gonzalo, Miren Goñi, Aitziber Iraizoz, Miren Gurutze Jauregui, Nerea Lasa, Ainara Lopez de Alda, Ainara Lumbreras, Miguel Luna, Garbiñe Macazaga, Idoia Obineta, Leire Otaño, Jennifer Perez, Maria Jose Ruiz, Mikel Uribarren, Maite Uriz, Eneritz Zabaleta, Arrate Zarraua, Izaskun Zendoia, Nekane Zozaya eta Amaia Zudaire irakasleek “Ahozko hizkuntza lantzeko jarduerak” prestatu zituzten. Eguneratu ditugu eta hemen dituzue eskuragai:
2008-2009 ikasturtean sortutako eta antolatutako material gehiago ikusteko, ondorengo irudian klik egin ezazu:
2020ko otsailaren 6an EIBZn irakurketa dialogikoen inguruko informazioa saio bat egin zen A ereduko irakasleekin. Hiru helburu zituen prestakuntza honek:
Saioan irakurketa dialogikoak aplikatzearen egokitasuna zalantzan jarri zen eta A ereduko ikasleekin aplikatzeko dauden zailtasunak azaleratu ziren. Dena den, saioa oso interesgarria izan zen, A ereduko irakasleek beraien praktikaz eta bizipenez hitz egiteko aukera izan zutelako eta ideiak elkartrukatzeko balio izan zuelako.
Irakurketa dialogikoak zer diren ezagutu eta oso era xume eta egituratu batean A ereduko ikasleekin aplikatzera animatzen bazara, hemen duzu saioan erabilitako aurkezpena:
Beriaingo ikastetxeko A ereduko irakasleek “Ahozko hizkuntza irakastea” ikastaroan parte hartu dute eta ahozko sekuentzia didaktiko bat prestatu dute, ikasleak ahozkoan gaitzeko.
LHko 4. mailako ikasleekin egin dute eta 14 saio behar izan dituzte sekuentzia didaktikoa garatzeko. Landutako egoera eta helburu komunikatiboak hauek izan dira:
Hemen dituzue eskuragai garatutako sekuentzia didaktikoa eta balorazioa:
EIBZko liburutegian maileguan har daitezkeen liburuen artean A ereduko 4., 5. eta 6. mailetarako hiru liburu hauek daude:
Maletetan, liburuez gain, CD bat ere badago, liburuen lanketa egiteko honako materialarekin: programazioak, sekuentzia didaktikoak, fitxak, ebaluazioa eta jokoak. CDa maletetan izango duzun arren, hemen ere deskargatzeko aukera duzu: CDa deskargatu
Hona hemen irakurmena lantzeko marko teorikoa, eta 2. eta 3. zikloetan trebetasuna ebaluatzeko zenbait proba:
Azalpen
testua
Betizu kluba
Narrazio
testua
Olatu handia
Azalpen
testua
Poxpolo eta Mokolo
Narrazio
testua
Arantzako sorgina
Hona hemen idazmena ebaluatzeko marko teorikoa, eta 2. eta 3. zikloetan erabiltzeko zenbait proba:
