Hona hemen A ereduko ikasleekin, 2., 4. eta 6. mailetan erabiltzeko zenbait testu eta ulermen galdera. Maila bakoitzerako, tipologia desberdinetako testuak prestatu ditugu.
Testuak geletan erabili dituzten irakasle batzuen iritziak jaso ditugu eta baliagarriak iruditzen zaizkiela esan digute. Dena den, oraindik, materiala irakasle gutxik probatu dute euren geletan. Beraz, testuak zure eskoletan erabiltzera animatzen bazara, zure iritzia jaso nahi dugu.
2. maila
4. maila
6. maila
Nafarroako Gobernuko Hezkuntza Departamentuko Euskara Atalak A ereduko ikastetxeetan “Mintza Jolasak” programa ezarri du. Programa honen helburua euskararen erabilera sustatzea da, curriculumetik harago eta eremu zabalagoan, jarduera ludikoagoak eginez eta eguneroko bizitzarekin lotutako euskararen praktika intentsiboa inplikatuz, A ereduko ikasleek beren komunikazio-gaitasuna hobetu dezaten, batez ere ahozko ulermena eta adierazpena.
Saioetan, begiraleek egindakoa A ereduko irakasleentzat erabilgarria izan daitekeela iritzita, bertan egindako lagin txiki bat hemen jartzea erabaki dugu. Saioetan mota desberdinetako jolas eta jarduerak egiten dituzte. Beraz, kasu batzuetan jolasaren azalpena aurkitu duzue; beste batzuetan, berriz, jardueraren produktua eta egindakoaren deskribapen txiki bat.
Nolanahi ere, guztiak zuen interesekoak izatea espero dugu. Edozein zalantza duzuela, idatzi lasai.
Hona hemen Interneten ikus daitezkeen zenbait telebista. Bakoitzaren eskaintza desberdina da; beraz, sar zaitezte eta kuxkuxeatu.
Euskaraz, leku-izenari -ar atzizkia erantsiz lortzen dira adjektibo jentilizioak, hau da, nongotarra den adierazten duten adjektiboak.
Hona hemen UZEIk sortuko bi mapa interaktibo. Ikasleekin jentilizioak lantzeko oso baliagarriak izan daitezke:
Hots bat fonemen bitartez imitatzean sorturiko hitzak dira onomatopeiak. Hizkuntza batetik bestera aldatzen dira, baita euskalki batetik bestera ere. Hona hemen lau zerrenda:
Bestalde, Euskaltzaindiaren Hiztegian bilaketa aurreratuak eginez, onomatopeiak alfabetiko ordenaturik ikus ditzakezue:
Horrez gain, onomatopeiekin jolastea nahi baduzue, hona hemen ariketa interaktibo batzuk:
Halaber, hauek dira onomatopeiak hizpide dituzten Euskaraldirako Berriak ateratako bi bideo:
HABEk (Helduen Alfabetatze eta Berreuskalduntzerako Erakundeak), “Curriculum-langaiak. Testu-ereduak” liburua sortu du, Oinarrizko Curriculumaren jarraipena. Lan berrian, A1, A2, B1, B2, C1 eta C2 mailetarako erreferente izan daitezkeen testuak dituzue, baita horien ezaugarriak zein diren ere.
Gidan transkripzio guztiak daude, baina audioen estekek ez dute funtzionatzen. Horregatik, guk dokumentu batzuk sortu ditugu, maila bakoitzerako bana, eta hortxe bai, esteka guztiak ongi doaz. Bestalde, A ereduan ikasleek lor dezaketen gehienezko maila zein den aintzat hartuz, A1, A2, B1 eta B2 mailetarako baliabideak baino ez ditugu prestatu. Hona hemen baliabide guztiak:
*mcmurryjulie-ren irudia Pixabay-n (Pixabay lizentzia)
Hona hemen Inauteriak gaia lantzeko zenbait baliabide:
Gabonak heldu aurreko asteetan, irakasleok gaia ikasleekin lantzeko hainbat jarduera egiten ditugu. Hona hemen zenbait baliabide interesgarri:
2007-2008 ikasturtean Aitziber Iraioz Remiro, Esther Olite Munarriz eta Gemma Larrañaga irakasleek antolatu eta sailkatutako asmakizunak eta olerkiak dituzue honakoak:
Ikusbera jolasteko eta dibertitzeko webgune bat da. Hainbat jolas interaktibo eskaintzen ditu. Oso baliabide interesgarria da A ereduko Haur Hezkuntzako eta Lehen Hezkuntzako lehenengo zikloko ikasleekin erabiltzeko. Hona hemen jolas guztiak:
Gaia ere hautatu dezakezu eta gai bakoitzean dauden jolasak egin. Hona hemen gaiak:
