Kategoriaren artxiboa: Etapa HH

Olentzerorentzako eskutitza

Utzi erantzuna

Eguberriak heltzear daude eta harekin batera gure Olentzero. EIBZn eskuragarri dagoen Irudi biltegiko Olentzeroren irudiaz baliatuz, Olentzerori gutuna idazteko txantiloi bat prestatu dugu. PDF formatuan deskarga dezakezue. Horra, duen itsura:

Txantiloia aldatu eta besteekin partekatu nahi baduzue, Blog honen Hasiera orrian dagoen helbide elektronikora idatzi, eta hementxe jarriko dugu zuen bertsioa. Hainbat eredu ere, ondorengo webguneetan aurki ditzakezue:

Iradokizunak eskertzen dizkizuegu.

Zorionak eta Eguberri on!!

ADIrekin Euskara ikasi

Utzi erantzuna

Adi! Haurrentzako euskarazko prestakuntza-kanalean, A ereduko ikasleekin hainbat kontzeptu lantzeko oso bideo onak daude. Batez ere, Haur Hezkuntzan erabiltzeko egokiak dira. Dena den, Lehen Hezkuntzako lehenengo bi zikloetan ere, zenbait erabil daitezke:

Horra, Haur Hezkuntzan erabiltzeko hainbat bideo:

Horra, Lehen Hezkuntzan erabiltzekoak:

Kamishibaiak

Utzi erantzuna

Aurten egindako “Kamishibai tailerra A ereduan” ikastaroan, 8 kamishibai sortu dituzte irakasleek. Zoragarriak dira eta partekatzeko baimena eman digute. Inprimatzera bidali ditugu eta EIBZko liburutegian maileguan har ditzakezue.

EIBZko liburutegian ere, butaiak, beste hainbat kamishibai, maleta ibiltari, liburu, etab. mailegatzen dira.

Lehen Hezkuntzako 1., 2., eta 3. mailak
Haur Hezkuntza eta Lehen Hezkuntzako 1. maila
Lehen Hezkuntzako 2. eta 3. mailak

Haur Hezkuntza
Haur Hezkuntza eta 6 urtetik gora
Haur Hezkuntza eta Lehen Hezkuntzako 1. zikloa
Lehen Hezkuntza
Haur Hezkuntza eta Lehen Hezkuntzako 1. zikloa

Jantzien erruletak

Utzi erantzuna

Claret Larraona ikastetxeko irakasleek Jantzien gaia errepasatzeko Power Pointen egindako bi erruleta partekatu dizkigute.

Erruletaren jarduera, PDIan egiteko da eta umeek gustukoa dute.

“Jira bira sakatu botoia eta erruletak bira egingo du. Sakatu berriro eta gelditzen den jantziaren izena esan beharko duzu“.

Jantzien erruletak

Drive dokumentuan ez du funtzionatzen, horregatik, efektua ikusteko fitxategia deskargatu behar da.

Erruletak Power Pointen nola egin daitezkeen jakin-mina baduzue, Interneten bideo tutorial desberdinak ikus ditzakezue. Norbaitek euskaraz nola egiten den topatzen badu, idatzi mesedez, hemen bertan jarriko dugu.

Errutinak

Utzi erantzuna

Errutinak, hau da, egunero errepikatzen ditugun jarduera komunikatibo egituratuak, gelan hizkuntzaren ulermena eta adierazpena garatzeko aukera paregabeak dira.

Behin eta berriro errepikatzen ditugun jarduera hauek, ikasleei gero eta konplexutasun handiagoarekin aurkezten badizkiegu, ikasleei euren hizkuntzaren garapenean lagunduko diegu.

Hona hemen, errutinak lantzeko lelo, errima eta kanta bilduma polit bat. Dokumentua ez dago itxia. Jasotzen ditugun ekarpenekin osatzen joango gara. Hortaz, errutinak lantzeko, dokumentuan azaltzen ez den baliabide interesgarri bat ezagutzen baduzu, idatzi, mesedez.

Ahozkotasuna lantzeko animazio bideoak

2 erantzun

Haur Hezkuntza eta Lehen Hezkuntzako lehenengo zikloan ahozkotasuna lantzeko, Angel Ayechu irakasleak, Stop motion animazio teknikaren bidez sortutako bideoak dituzue hemen. Zenbait jolas, hainbat gaien inguruko hiztegia, eta biltzeko errutina lantzeko interesgarriak dira.

Zerrenda handitzen doa. Hortaz, sar zaitez berri honetan noizbehinka, bideo berriak egin ote dituen ikustera.

Angelek ere sortutako aditzak lantzeko rapa, Lehen Hezkuntzako orrian ikus dezakezue.

Irudi-txartelekin egiteko jarduerak

Utzi erantzuna

EIBZko Webgunean Irudi bilduma argitaratu dugu. A ereduko ikasgeletan erabiltzeko irudiak hiru tamainatan dituzue eskuragai helbide honetan: https://eibz.educacion.navarra.es/web1/irudi-biltegia/

15 gairen inguruko irudiak dituzue: Eguraldia, Emozioak eta aldarteak, Eskola ekintzak, Eguneroko ekintzak, Kirol ekintzak, Jakiak eta edariak, Jantziak, Abereak, Toki izenak, Garraiobideak, Lanbideak, Musika tresnak, Gure jaiak, Inauteriak eta Beste batzuk (gogoko dut/ez dut gogoko, hortzak, minak eta gaitzak).

Irudiekin, hiztegia lantzeaz gain, hainbat egitura landu daitezke. Honako dokumentuan jarduera batzuk bildu ditugu:

Dokumentua

Gelan besteren bat egiten baduzu, gurekin partekatzea eskertuko genizuke. Horrela, irudi txartelekin egin daitezkeen jardueren bilduma aberasten eta osatzen joango gara.

Xaxardi ipuinaren kontaketa

Utzi erantzuna

Joana Zigandak eta Iker Uribek, bere ipuinaren kontaketa egiten dute aurrez aurre leku desberdinetan. Aurten, Nazioarteko liburuaren egunean ere hura egiteko asmoa zuten; baina, alarma egoerak etxean geratzea behartu zituen. Horregatik, bideo polit hau grabatzea erabaki zuten.

#EtxeanTinko ekimena

Utzi erantzuna

Euskara Zinema Aretoetara programaren behin behineko etetearekin batera, #EtxeanTinko ekimena abian jarri dute 2019/20 ikasturte amaiera bitarte.

Ekimen honek, aurrekoaren oinarri bera dauka: Nafarroako Hezkuntza Sareko ikasle eta irakasleei Euskarazko zinema eskaintzea.

2020ko Maiatzaren 18an hasi eta Ekainaren 12an amaituko da ekimen hau. Izena emateko epea maiatzaren 14an amaituko da.

Infomazio gehiago lortzeko edo eskaera egiteko, sar zaitez bere webgunean: Tinko