Noain herriko San Miguel ikastetxean, irakasleek ez dute libururik erabiltzen eta proiektuka lan egiten dute. Ikasleak gustura eta motibatuak daude euskarako klaseetan. 2019-2020 ikasturtean nola lan egiten duten ikusteko aukera izan dugu.

---

2. maila

2. mailan urte batzuk daramatzate “Hizki-pasa” proiektua egiten. Ikasturte honetako lehenengo hiruhilekoan talde batekin proiektua nola garatzen duten ikusi dugu. Prozesuan zehar lau trebetasunak lantzen dituzte, eta jarduerak bukaerako xedea lortzera oso ongi bideratuak daude.

Zuk zeuk proiektua aurrera eramatea nahi baduzu, hemen dauzkazu programazioa eta behar diren baliabide guztiak.

---

3. maila

Auten, 3. mailan, “Mahai-jokoak” proiektua egin dute. Proiektuaren bukaeran, jokoak azaldu dizkigute eta talde bakoitza bere jokoarekin jolasten ikusi dugu. Zoragarria izan da ikustea ikasleak nola saiatzen diren euskaraz hitz egiten.

Zure gelan proiektua egin nahi baduzu, hemen dauzkazu proiektuaren programazioa eta aurrera eramateko behar diren baliabideak.

---

5. maila

5. mailan, aurten, “Nor da Nor” proiektua egin dute. Talde lana oso garrantzitsua izan da proiektu honetan eta aipagarriak dira hiztegi altxagarria eta 1-2-4 egitura kooperatiboaren erabilera abestien lanketa egiteko.

Proiektuari buruz gehiago jakin nahi baduzu eta zure ikasleekin aurrera eraman nahi baduzu, ikus itzazu proiektuaren programazioa eta baliabideak.

Buztintxuri ikastetxean, proiektuak eta roll playing dinamikak egiten dituzte A ereduko ikasleekin.

2019-2020 ikasturtean, Sorne Lerin irakasleak “Euskal aditzaren itsasontziak hondoratu” proiektua azaldu digu, bere ikasleekin aurrera eraman duen bitartean. Sornek ikasleen motibazioa sustatzeko, haiengana hurbiltzeko eta haien mailara egokitutako edukiak eskaintzeko, bere burua grabatzen du, hola nola jolasen azalpena egiten, jarduera baten prozesua nola egin behar den azaltzen, edo berak sortutako ipuin baten antzezpena egiten. 

Sornek “Euskal aditzaren itsasontziak hondoratu” proiektua, 5. mailako ikasleekin egin du, eta aurrera eramateko bi hiruhileko behar izan ditu.

Proiektu hau aurrera eraman nahi baduzu, edo zure ikasgelarako ideiak hartu nahi badituzu, hemen dituzu Sornek grabatutako bideoak, prestatutako materiala eta proiektuaren programazioa.

3. Bideoak

• Izan eta Ukan aditzen Edalontzien kanta
• Ikasleen Izan eta Ukan aditzen Edalontzien kanta
• Bat euskal jolasa nola sortu
• Ikasleak Bat euskal jolasean jolasten
• Aditz perifrastikoen karta jolasa nola sortu
• Arrapalaren bideoa
• Kata katua telesailaren 1. saioa
• Kata katua telesailaren 2. saioa
• Kata katua telesailaren 3. saioa